LUKA 15:15 - Biblia Ilagho Jiboie Kwa Wandu Wose

¹⁵ Ukaghenda ukaandikwa kazi ni mndumu wa isanga jija, ukamghenja mbuwenyi kwake kulisha nguwe.

LUKA 15:15 ပူးပေါင်းရင်းမြစ်များ

2 MALAGHO GHA NGELO 28:22

Iyo ngelo cheni Mzuri Ahazi orekoghe andenyi ya wasi m'baa, ukachuria kusowa kukaia mloli kwa BWANA.

KUFUMA 10:3

Nao Musa na Haruni wikaghenda na kungia kwa Farao wikamzera, “Bwana, uo Mlungu wa Waebrania waghamba huwu, ‘Kuchalegha kukusera imbiri kwapo hata lii? Sigha wandu wapo wighende winidumikie.

ISAYA 1:5

Kwaki mduagha mkilegha kusikira na kukunda kukabwa ee Israeli? Chongo chako chose ni mkongo, na ngolo yako yose yaawuyadumbuka.

ISAYA 57:17

Nerem'bonyereghe machu kwa wundu ghwa kaung'a na bea rake; ngamkaba angu nerekoghe na machu, na kuleghamzighana. Ela sena orechurieghe kuwuya nyuma ngolonyi kwake.

JEREMIA 5:3

Ee BWANA, meso ghako ndeghizighanagha iyo loli anguwada? Oho kwawikabie, ela ndewisikire luwawo lungi, kwawionyere, ela waleghie kukuboisa weni. Wakurishire nia rawo kuchumba igho, nawo waleghie kuhea.

EZEKIELI 16:52

Idana kurumaghie masholio ghako kumoni; kwa kukaia iro kaung'a nyingi kubonyere, rashekerie wanyinyu wiwoneke kukaia wandu wa hachi angu wisebonyere sa oho; kwa huwo kufo waya, kurumaghie masholio ghako; angu kuwibonyere wanyinyu wiwoneke kukaia wahachi.

EZEKIELI 16:63

Kuchakumbuka na kufwa waya, hata na jingi kusewuyeghora ilagho jingi kukiwona seji kwafushwa waya ingelo nichaakufuya wughoma makosa ghako ghose koreghibonyereghe. Ini Bwana MLUNGU naghamba.”

NAHUMU 3:6

Nichakumichira wuchafu kumenyeke, na kukubonya kukaie kilambo chezighanwa kwa lumenyo.

MALAKI 2:9

Kwa wundu ugho, nicham'bonya mmenyeke kwa wandu wa Israeli, angu msesikiragha malaghiro ghapo, nenyo mwaawuyafundisha kwa kutala wandu.”

MATHAYO 7:6

“Mserineke koshi vilambo va wueli, risechemghalukia na kumrashua inyo; hata lulu renyu msakerikumbia nguwe, risecheriwadia na maghu ghawo.

LUKA 15:13

Nyuma ya matuku matini, uja mtini ukakwanya vose orekoghe navo, ukadamba cha isanga ja kula; na aja ukatumia pesa rake kwa maza ra kisha-kisha.

LUKA 15:14

Hata iji wameria kuritumia pesa rose, njala mbaa ikangia isanga jija, ukazoya kusowa vindo.

LUKA 15:16

Nao ukakunda kuja makanda gherejighwagha ni rija nguwe, hata mndungi nderemnekieghe kindo chingi anduangi.

WAROMA 6:22

Ela idana mmeria kufunywa kaung'enyi, na kuwuya wazumba wa Mlungu, fwaida mpatagha ni kueleshwa, na kutua kwaro irangi ja kala na kala.

TITO 3:3

Angu na isi diweni aho imbiri derekoghe wakelu disesikiragha, dilaghashiro, na kubonywa wazumba ni maboilo na bea zima-zima, dikimeria matuku ghedu kwa wuwiwi na iriso; dikizamia wandu, na kuzamiana diweni na diweni.