LUKA 14:11 - Biblia Ilagho Jiboie Kwa Wandu Wose

¹¹ Angu uo ose ukujosagha moni uchaserwa, na uo ose ukuseregha moni, uchajoswa.”

LUKA 14:11 ပူးပေါင်းရင်းမြစ်များ

2 SAMUELI 22:28

Oho kwadawikira wandu wikuseragha weni, ela kwadawisera wang'eti.

ESTA 6:10

Nao mzuri ukamzera Hamani, “Bonya shwa-shwa kuwuse agho marwao na farasi, kum'bonyere ijo ishima uja Myahudi ukaiagha mbengenyi ya ngome. Kusesighe kum'bonyera jingi ja agho malagho ghose kwaghighora.”

AYUBU 22:29

Mlungu wadawisera awo wikujosagha, na kuwikira awo wikuseragha.

ZABURI 138:6

Hata ngera koko ighu ee BWANA, kwadawitala wanyonge; Ela wandu wikukasire, ndewivisikagha kwako.

ZABURI 18:27

Oho kwadawikira wandu wikuserie, na kuwisera awo wikujosere.

MAKATANISHO 15:33

Kuobua kwa BWANA kwadafundisha mundu hikima, suti mundu ukusere imbiri usenekelo.

MAKATANISHO 18:12

Mundu wadazoya ukukase imbiri useghue, ela kukusera kwadareda kunekwa ishima.

MAKATANISHO 25:27

Kuja wuki mungi si nicha, kwa huwo si nicha kulola ishima jichumbie.

MAKATANISHO 29:23

Kukujosa kwa mundu, kwadamsera; ela uhu uko na roho ekusera, uchapata ishima.

ISAYA 2:11

Kuwoneka kwa wubaa ghwa mdamu kuchaserwa, kukujosa kwa wadamu kuchaserwa. BWANA uekeri nuo uchaajoswa ituku jija.

ISAYA 2:17

Kukujosa kose kwa mdamu kuchaserwa, na kukuduka kwa wadamu kuchaserwa; BWANA uekeri nuo uchaajoswa ituku jija.

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

MATHAYO 23:12

na uo ose ukujosagha moni uchaserwa, ela uo ose ukuseragha moni uchajoswa.

LUKA 1:51

Waghughorua mkonu ghwake ghwa ndighi, wawisaghisa wang'eti kwa maririkanyo gha ngolo rawo.

LUKA 1:52

Awo wibonyagha nguma wawiinja vifumbinyi kwawo, na kuwijosa awo wikuserie.

LUKA 14:12

Niko Jesu ukamzera uja oremkaribishireghe, “Iji kwabonya karamu ingi, kusakewiwanga waghenyi wako, angu wanyinyu, angu wandu wa kichuku chako, hata wambenyu wiko na mali, isechekaia nawo weni kukukaribisha nao kupate malipo ghako.

LUKA 18:14

Nao Jesu ukaghamba, “Namghoria, mmbwadi wushuru oreserieghe nyumbenyi kwake wanekwa hachi kuchumba Mfarisayo. Angu uhu ukujosagha moni, uchaserwa, na uhu ukuseragha moni, uchajoswa.”

JAKOBO 1:9

Uo mwanidu wa ndonyi, ndekukase kwa kujoswa kwake,

JAKOBO 4:10

Mkusere mmbeni imbiri ya Bwana nao uchamjosa inyo.

JAKOBO 4:6

Ela wanekagha mvono ghuchumbie, kwa huwu Maandiko ghaghamba, “Mlungu wawitangala wang'eti, ela wawineka mvono awo wikuseragha.”

1 PETRO 5:5

Wokoni na inyo muko watini mkuwike aisi ya waghosi. Inyo mmbose mkaie na wumboa kula mundu na mmbao; angu, “Mlungu wawitangala wang'eti, ela wawineka mvono awo wiko na wumboa.”

1 PETRO 5:6

Kwa huwo mkusere aisi ya mkonu ghwa Mlungu ghuko na kudima, eri upate kumjosa kwa ngelo yaro.

1 SAMUELI 15:17

Nao Samueli ukaghamba, “Hata ngera kwawuyakumenya kumoni, na kukuwona ndekufwane, ela uko nechi ni oho kumoni m'baa aighu ya vichuku va Israeli BWANA odekushinga mavuda kukaie mzuri aighu ya Israeli.