LUKA 13:8 - Biblia Ilagho Jiboie Kwa Wandu Wose

⁸ Ela uja mlimi ukamtumbulia, ‘Bwana, ghusighe nighuchimbie mbai-mbai, na ughu mwaka wori nighudungie mbolea.

LUKA 13:8 ပူးပေါင်းရင်းမြစ်များ

ZABURI 106:23

Mlungu ughamba uawitotesha wandu wake, Musa uo mdumiki wake usaghulo ukamkania; ukahoresha machu ghake usewitoteshe.

KUFUMA 34:9

Nao ukaghamba, “Ikakaia loli kuboilwagha ni ini ee BWANA, nakulomba kughendanye andwamweri nesi; awa ni wandu wighilikie loli, ela kudileke mawiwi ghedu na kaung'a edu; kurumirie kudiwusa dikaie wandu wako weni.”

JEREMIA 15:1

Niko BWANA ukanizera, “Hata ngera Musa na Samueli wadakaia kimusi aho, ngolo yapo ndayadimagha kuwighalukia wandu awa. Wifunye noko nisewiwone!

JEREMIA 18:20

Welee, wuwiwi ghwalipwagha kwa wundu ghwa wucha? Sena hata hoku wanikotera kina winikumbe andenyi. Kumbuka seji nerechieghe kwako ngiwilombia, eri kusighe kukaia na machu nawo.

JOELI 2:17

Wakohani wimdumikiagha BWANA ghadi na ghadi ya madhabahu na mnyango ghongia Hekalunyi ndewilile na kughamba, “Kuwifuye wughoma wandu wako ee BWANA; kusakesigha wandu wa mbari zima widiseke na kudimenya wikighamba, ‘Oke Mlungu onyu oko hao?’”

LUKA 13:7

Ukamzera uja mlimi, ‘Zighana miaka ihi idadu naawuyacha ngilola matunda aighu ya ughu mtini, ngadaghisowa. Idana kughudeme, kwaki ghunonagha ndoe duu?’

LUKA 13:9

Ghukava matunda mwaka ghuchagha ni nicha, ela ghukalemwa ni kuva, niko aho kughudeme.’”

LUKA 14:35

Ndechifwanagha kwa ndoe, hata kwa mbolea, ela wandu wadachidagha noko. Uo uko na madu ghesikira ndesikire.”

WAROMA 10:1

Wanidu, bea ya ngolo yapo na ilombi japo kwa Mlungu ni angu wamzedu wikie.

WAROMA 11:14

eri niwibonye wamzedu Wayahudi kukaia na iriso, na kwa chia iyo nikire wamu wawo.

2 PETRO 3:9

Bwana ndemukagha kukatisha ilaghiro jake seji wamu wigheshagha wei umuka; ela waawuyarumaghia kwa wundu ghonyu. Ndewuekunda mndungi utote, ela ookunda wandu wose wivikie kuhea.