LUKA 13:19 - Biblia Ilagho Jiboie Kwa Wandu Wose

¹⁹ Ghwafwanana na mbeu ya haradali, mundu oreiwaeghe mbuwenyi kwake, nayo ikabuka na kuzoghua mudi m'baa, hata nyonyi rikaagha vijungu vawo mbashunyi kwaro.”

LUKA 13:19 ပူးပေါင်းရင်းမြစ်များ

LUMBO 4:12

Wangolo, bibi arusi wapo, ko mbuwa irighilo isanju, na ndoria irighilo andenyi.

LUMBO 4:16

Wuka ee mbeo ya kaskazinyi; choo ee mbeo ya kusinyi! Weta aighu ya mbuwa yapo, kuchure mbeo na marumba mecha; mkundwa wapo ndeche mbuwenyi kwake, uje matunda gharo, agheni ghiboie kuchumba ghose.

LUMBO 6:2

Mkundwa wapo waasea cha mbuwenyi kwake, andu midi ya vilungo iwalo. Waawuyalisha mfugho rake ambuwenyi, na kuwaya mboi ra lili.

LUMBO 8:13

Neekunda kusikira lwaka lwako kufuma mbuwenyi mkundwa; wangara wapo waawuyaweseria wisikire kukideda.

ISAYA 53:1

“Nani ughirumirie agho malagho dereghisikireghe? Na ndighi ra BWANA rafunukulo kwani?

ISAYA 53:10

BWANA waghamba, “Erekoghe ni lukundo lwapo kumvonua, na kumngira wasinyi; ingelo orekufunyagha uo moni kizongona kwa wundu ghwa kaung'a, nao uchawona kivalwa chake, na kudua moyo matuku mengi, lukundo lwapo luchakatishwa kwa chia yake uo;

ISAYA 58:11

Na ini BWANA nichakughenja kari kose, na kukukatishira bea rako kwa vindo vicha vose; na kukubonya kukaie na ndighi sa mbuwa inyoshero machi na ndoria ya machi ghisesiagha.

ISAYA 61:11

Sa iji koni ndoe ibusagha miwalwa, na sa iji koni mbuwa ibonyagha mbeu riwalo ribuke ni huwo koni BWANA uibonyagha hachi na makaso ghiwoneke worinyi kwa mbari rose.

ISAYA 9:7

Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

JEREMIA 31:12

Wichacha wikibora kwa lwaka lubaa, aighu ya Mghondi ghwa Sioni; nawo wichaja manori mecha gha BWANA, gha viro, na divei, na mavuda; gha ng'ondi na ng'ombe ngoo, na marangi ghawo ghichawuya sa mbuwa inyoshere nawo ndewichaasowekelwa sena anduangi.

EZEKIELI 31:6

Nyonyi rose ra mbeonyi rikabonya vijungu mbashunyi kwaro, na nyamandu rose ra isakenyi rikakuvisa aisi ya iro mbashu rikambie; na mbari mbaa rose ra wandu rerekaieghe aisi ya kiju chake.

DANIELI 4:12

Ghorekoghe na malemba ghiboie, na matunda gherekoghe mengi nandighi. Mudi ugho ghorewinekieghe vindo wandu wose. Nyamandu ra isakenyi rerepatireghe kiju aho; na nyonyi ra mbeonyi rikakupatira wulalo mbashunyi kwaro; kula kiumbe chiko na mumbi cherepatireghe vindo aho.

DANIELI 4:21

malemba gharo gherekoghe ghiboie na matunda mengi, ghidimagha kujighwa ni wandu wengi; ghukarineka nyamandu kiju, na nyonyi ra mbeonyi rikaagha vijungi mbashunyi kwaro.

ZEKARIA 2:11

Ngelo iyo, mbari ra wandu wengi wichamghalukia BWANA na kumrumiria; uchakaia aghadi konyu, nenyo mchamanya kukaia wanidumie.

MATHAYO 17:20

Jesu ukawitumbulia, “Ni kwa wundu ghwa wutini ghwa irumirio jenyu. Kwa loli ngera modeeka na irumirio jing'ane sa ndembe ya haradali, kumangu mwaghuzera mghondi ughu, ‘Injika aha kughende aja,’ nagho ghuchamsikira. Hata kumangu ndekuwadie kilambo chingi chisedimikagha konyu anduangi. [

MARKO 4:30

Nao Jesu ukaghamba, “Welee, dighufwananishe naki wuzuri ghwa Mlungu? Angu dighuwonyere kwa mfwano ghuao?

LUKA 17:6

Bwana ukaghamba, “Ngera modeeka na irumirio jing'ane sa ndembe ya haradali, kumangu mwaghuzera muku ughu, ‘Kuka kuwalo baharinyi’ nagho kumangu ghwamsikira.”

MABONYO GHA WADUMI 2:41

Awo wereghiwadieghe malagho ghake werebaputiziroghe, na mtalo ghwa awo werechurikieghe jija ituku ghukavika elfu idadu.

MABONYO GHA WADUMI 21:20

Nawo iji wasikira wikamkasa Mlungu. Niko wikamzera, “Kwawona mwanidu seji maelfu gha Wayahudi wirumirie; na wose waawuyafunga ndighi kuiwadia Sharia;

MABONYO GHA WADUMI 4:4

Ela wengi wa awo weresikireghe ilagho, wikarumiria; na mtalo ghwa womi ghukavika sa elfu isanu.

WAROMA 15:19

kwa ndighi ra weke mwakilimbiti na mashiniko, na kwa ndighi ra Roho Mweli. Huwu namerie kujichila Ilagho Jiboie ja Kristo kufuma Jerusalemu hata Iluriko.

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”