LUKA 12:8 - Biblia Ilagho Jiboie Kwa Wandu Wose

⁸ “Nani namghoria loli, angu kula mundu uchaanirumiria ini imbiri ya wandu, Mwana wa Mdamu wori uchamrumiria imbiri ya weke malaika wa Mlungu.

LUKA 12:8 ပူးပေါင်းရင်းမြစ်များ

ZABURI 119:46

Sena nichawighoria wazuri memu yako, hata sichaafwa waya anduangi.

MATHAYO 8:20

Jesu ukamzera, “Mizozo eko na miruma, na nyonyi ra mbeonyi reko na vijngu; ela Mwana wa mdamu ndewadie wulalo ghungi ghokuhoresha anduangi.”

LUKA 15:10

Namghoria, huwo koni koko na kuboilwa kwa weke malaika wa Mlungu, kwa wundu ghwa mkaung'a umweri uheagha.”

2 TIMOTHEO 2:12

Dikarumaghia, dichabonya nguma andwamweri nao wori. Dikamlegha, nao moni uchadilegha.

1 JOHANE 2:23

Ndekuwadie mndungi umkanagha uja Mwana, ima sena ukaie na uja Aba; uo ose umrumiriagha uja Mwana, oko na uja Aba wori.

WUFUNUO 2:10

Kusakeobua agho matiriro ghichaakuchea. Olenyi wamu wenyu mwalighisa kungirwa kifungonyi ni Ibilisi, upate kumtima; nenyo mchatirirwa matuku ikumi. Kukaie mloli hata kufwa, nani nichakuneka kirumbu cha irangi.

WUFUNUO 2:13

Namanya andu kukaiagha; ni andu kifumbi cha nguma cha Shetani chiko. Oho kwamaziriane nani, hata ndekorejikanieghe irumirio japo hata kwa agho matuku gha Antipa mshahidi wapo na mloli wapo; uo orebwaghiloghe aghadi konyu, andu Shetani ukaiagha.

1 SAMUELI 2:30

Ini BWANA Mlungu wa Israeli nerelaghirieghe kukaia oho na kivalwa chako chichanidumikia kwa wukohani matuku ghose; ela idana, naghamba agho sichaaghibonya putu; kwa kukaia nadawitala awa winitalagha, na kuwimenya awo winimenyagha.