LUKA 12:42 - Biblia Ilagho Jiboie Kwa Wandu Wose

⁴² Bwana ukamzera, “Idana mdumiki mucha na wa akili ni uao, uo Bwana wake uchaammbika aighu ya nyumba yake, uwiwaghie wadumiki wambao vindo vawo, kwa ngelo yaro?

LUKA 12:42 ပူးပေါင်းရင်းမြစ်များ

KUFUMA 36:4

hata awo wandu wose BWANA orewinekieghe wudimi, awo werekoghe wikibonya iyo kazi, wikacha kula mundu kufuma andu orekoghe ukibonya kazi

MAKATANISHO 12:8

Mundu uko na hikima wadakaswa, ela mkelu wadamenywa.

MAKATANISHO 15:23

Kutumbulia nicha kwadamredia mundu kuboilwa, na ilagho jadedwa kwa ngelo yaro jaboie nandighi.

MAKATANISHO 27:18

Mundu ughulindiagha mtini, uchaja matunda gharo; na uhu umlindiagha bwana wake, uchabonyerwa ishima.

MAKATANISHO 31:15

Wadawuka ndoe iseelie, na kuboisa vindo kwa wundu ghwa wandu wake, na kuwagha kazi kwa wai wake wa kazi.

ISAYA 50:4

Bwana MLUNGU waninekie kudeda malagho gha awo wifundishiro, nipate agho malagho ghemtesia mundu usirilo. Wadaniwusira kula nakesho na kunibonya nisikire malagho gha awo wandu wifundishiro.

JEREMIA 23:4

Nichawika wabonyi nguma wazima awo wichaawibonyera nguma nicha na kuwilindia. Ndewichaaobua sena, hata ndewichaafushwa waya, angu ungi kulaghaya sena anduangi.

EZEKIELI 34:3

Mwadaja mavuda, na kukurusha nguwo ra mafuri ghawo; mwadachinja iro ribandie, ela ndemrilishagha ng'ondi anduangi.

MATHAYO 13:52

Nao ukawizera, “Niko huwu, kula mwalimu wa Sharia uwuyagha mnughi wa wuzuri ghwa mlungunyi, oofwanana na mundu wa nyumba, ufunyagha kwa mali rake vilambo viwishi na va kala.”

MATHAYO 20:8

“Hata iji luma lwa kenyi lwavika, uja bwana wa mbuwa ya mizabibu ukamzera mnyapara wake, ‘Wiwange vibarua wose kuwilipe mafungu ghawo; kuzoye na waja wa kutua, kumerie na waja wa imbiri.’

LUKA 12:43

Warasimilwa uja mdumiki iji bwana wake wacha na kumkua ukibonya wokoni.

LUKA 7:13

Bwana uendawona uja muka, ukangilwa ni wughoma m'baa, ukamzera, “Leka lila.”

LUKA 7:19

Johane ukawiwanga wawi wa wanughi wake ukawiduma kwa Bwana wimkotie, “Welee, ni oho kumoni kuchagha angu dimmbesere mzima?

MABONYO GHA WADUMI 20:28

Kwa huwo mkulindie inyo mmbeni, andwamweri na chagha chose icho Roho Mweli ummbikie mkaie wazighaniri waro, mpate kujilindia ikanisa ja Mlungu orejipatireghe kwa bagha ya Mwana wake moni.

1 TIMOTHEO 3:15

iji nacheleshwa, kukaie kumanyire seji imfwanagha mundu kukaia andenyi ya nyumba ya Mlungu, najo ni ijo ikanisa ja Mlungu uko moyo, iyo nguro na msingi ghwa iyo loli.

1 TIMOTHEO 5:17

Awo waghosi wiko na wulongozi ghuboie, wafwana wineko malipo mando awi; na kuchumba awo wawuyadumika kwa kazi ya kuchila na kufundisha.

2 TIMOTHEO 4:2

Chila jija Ilagho ngelo ifwane, na ngelo isefwane; wonyera, kania, shashira, kwa kurumaghia kose na kufundisha.

TITO 1:7

Angu mzighaniri wa ikanisa sa mdumiki wa Mlungu, suti ukaie mundu usewadie ikosa jingi; usekaie ukukasire, angu ojokwa ni machu shwa-shwa, angu mmbongeri, angu mundu otumia ndighi, angu iriso ja fwaida isefwanagha.

WAEBRANIA 13:17

Muvisikire vilongozi venyu na kukuwika aisi kwawo, angu vaawuyacheresha kwa wundu ghwa roho renyu, kwa kukaia wichafunya mtalo ghwa wudumiki ghwawo. Bonyenyi huwo wipate kudumika kwa kuboilwa isakekaia kwa wasi; angu wikabonya kwa wasi, ndempatagha fwaida ingi anduangi.

WAEBRANIA 13:7

Wikumbukenyi vilongozi venyu, ivo veremghorieghe Ilagho ja Mlungu; ririkanyenyi mighendo na uko kutua kwawo, nenyo msunge irumirio jawo.

WAEBRANIA 3:5

Na Musa orekoghe mloli andenyi ya nyumba yose ya Mlungu sa mdumiki, upate kushuhudia maza rechaadedwa konyuma ni Mlungu.

1 PETRO 4:10

Kula mundu ndetumie ijo inosi orejipatireghe kwa wundu ghwa fwaida ya mmbao, sa mzighaniri mucha wa mvono mzima-mzima ghwa Mlungu.