LUKA 12:32 - Biblia Ilagho Jiboie Kwa Wandu Wose

³² “Msakeobua inyo chagha kitini, angu yam'boie Ndeyo onyu kumneka ugho wuzuri.

LUKA 12:32 ပူးပေါင်းရင်းမြစ်များ

ISAYA 40:11

Uchachilisha chagha chake sa mlisha, uchawikwanya wana wa ng'ondi, na kuwidwa mkonunyi kwake; uchawidwa laghenyi kwake; na weke mae uchawighenja kwa wumboa.

ISAYA 41:14

Bwana waghamba, “Msakeobua inyo wana wa Jakobo msewadie ndighi, ee, inyo wandu wa Israeli. Nichamtesia, Mkomboli onyu ni Mlungu Mweli wa Israeli.

ISAYA 53:6

Isi diwose dalagharie kara kara na ng'ondi, kula umu odu ukaighalukia chia yake moni; na BWANA ukamdukishira mawiwi ghedu ghose.

JEREMIA 3:19

BWANA waghamba, “Yakaiagha nicha saki ngera nedekuwika aghadi ya wana wapo, eri nikuneke isanga jighokie; na ifwa jiboie kuchumba ja mbari rose. Neregheshereghe kuchaniwanga Aba kuseko na ugho wundu ghwa kughaluka na kusigha kughendanya nani.

MATHAYO 14:27

Ahoeni Jesu ukadedanya nawo ukighamba, “Kaienyi na ngolo ni ini moni msakeobua.”

MATHAYO 20:16

Nao Jesu ukameria ukighamba, “Niko huwo wa kutua wichakaia wa imbiri, na wa imbiri wikaie wa kutua.”

MATHAYO 25:34

Niko mzuri uchawizera waja wiko kwa mkonu ghwake ghwa kiwomi, ‘Choonyi inyo mrasimilwagha ni Aba, mmbuse ifwa ja wuzuri moreboisiroghe kufuma wurumwengu ghwazoya kuumbwa.

MATHAYO 7:15

“Mkulindie na walodi wa tee. Awo wadacha wikiwoneka sa ng'ondi, ela kondenyi kwawo weeka sa vikwau vibirie.

LUKA 10:21

Ngelo ija cheni, Jesu ukaboilwa andenyi ya Roho Mweli, ukaghamba, “Nakuneka chawucha oho Aba, Bwana wa mlungunyi na ndoenyi, angu korewivisireghe wandu wa akili na suku maza iri, kukawifunukuya wanake watini, ee Aba, angu ulo nulo lorekoghe lukundo lwako.

JOHANE 18:36

Jesu ukamtumbulia, “Wuzuri ghwapo si ghwa wurumwengu ughu anduangi. Ngera wuzuri ghwapo ghodeeka ghwa wurumwengu ughu, kumangu wadumiki wapo wabonya wuda, eri nisewado ni Wayahudi; ela wuzuri ghwapo si ghwa wurumwengu anduangi.”

MABONYO GHA WADUMI 20:28

Kwa huwo mkulindie inyo mmbeni, andwamweri na chagha chose icho Roho Mweli ummbikie mkaie wazighaniri waro, mpate kujilindia ikanisa ja Mlungu orejipatireghe kwa bagha ya Mwana wake moni.

MABONYO GHA WADUMI 20:29

Ini namanya iji naghenda, mchachelwa ni vikwau vibirie visene wughoma na chagha;

WAROMA 6:23

Angu mafungu gha kaung'a ni kifwa, ela inosi ja Mlungu ni irangi ja kala na kala andenyi ya Kristo Jesu Bwana odu.

1 WAKORINTHO 1:21

Angu Mlungu, kwa hikima yake, wurumwengu ghorelemeloghe ni kummanya kwa hikima yake cheni. Niko erem'boieghe Mlungu, kwa chia ya wukelu ghwa agha dawuyaghichila, kuwikira awo wirumiriagha.

WAFILIPI 2:13

angu Mlungu wawuyabonya kazi andenyi konyu, ukimneka nia ekunda na kubonya iro rawuyam'boia uo.

2 WATHESALONIKE 1:11

Kwa wundu ughu, dawuyamlombia inyo matuku ghose, eri Mlungu odu upate kum'bonya mkaie wandu wifwane kwa ijo irangi oremmbangieghe; nenyo mdime kukatisha kula ilagho icha, na kazi ya irumirio kwa ndighi rake;

2 WATHESALONIKE 1:5

Maza iri ni wushuhuda ghwa kutanya kwa hachi kwa Mlungu, eri inyo mpate kubonywa wandu wifwane wa Wuzuri ghwa Mlungu; ugho ghwawuyam'bonya mpate wasi.

WAEBRANIA 12:28

Kwa huwo ndedifunye chawucha na kuboilwa kwa kuwusa wuzuri ghusedimagha kusughuswa; nesi ndedimtase Mlungu kwa chia im'boiagha, kwa ishima, na kuobua;

JAKOBO 2:5

Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?

2 PETRO 1:11

na kwa chia ihi, mcharumirilwa putu kungia andenyi ya Wuzuri ghwa Bwana na Mkiri odu Jesu Kristo.

WUFUNUO 1:6

na kudibonya dikaie wuzuri, na wakohani wedumika kwa Mlungu wake nao ni Ndee; kwake uo, ndeghukaie wubaa, na kubonya nguma kwa kala na kala. Amen.

WUFUNUO 22:5

Kio ndechichaakaia sena anduangi, hata ndewichaakunda mwengere ghungi ghwa taa, angu ghwa iruwa, angu Bwana Mlungu uchakaia taa yawo; nawo wichabonya nguma kwa kala na kala.