LUKA 12:28 - Biblia Ilagho Jiboie Kwa Wandu Wose

²⁸ Idana ikakaia Mlungu warirusha huwu nyasi ra mlambenyi riko idime na kesho raoma, na kukorwa modo, uchachumbaki kumrusha inyo wandu wa irumirio itini.

LUKA 12:28 ပူးပေါင်းရင်းမြစ်များ

ISAYA 40:6

Lwaka lwa mndumu lwaghamba, “Ghora malagho!” Nani ngakotia, “Nighora malaghoki?” “Ghora kukaia wadamu wose ni karakara na nyasi, na kuboa kwaro ni sa mboi ra mlambenyi.

MATHAYO 14:31

Nao shwa wori Jesu ukaghughorua mkonu ghwake ukammbwada ukighamba, “Mundu wa irumirio itini oho, kwaki kwabonya kiture?”

MATHAYO 16:8

Jesu ukimanya maghesho ghawo ukawizera, “Inyo wandu wa irumirio itini, kwaki mzeranagha wei ni iji msedwae mikate?

MATHAYO 17:17

Jesu ukatumbulia, “Inyo kivalwa chisewadie irumirio, chilagharie; nichakaianya nenyo hata lii? Nicharumaghianya nenyo hata lii? Mredenyi uo mwana kwapo.”

MATHAYO 17:20

Jesu ukawitumbulia, “Ni kwa wundu ghwa wutini ghwa irumirio jenyu. Kwa loli ngera modeeka na irumirio jing'ane sa ndembe ya haradali, kumangu mwaghuzera mghondi ughu, ‘Injika aha kughende aja,’ nagho ghuchamsikira. Hata kumangu ndekuwadie kilambo chingi chisedimikagha konyu anduangi. [

MATHAYO 6:30

Ikakaia Mlungu wadarirusha huwo mboi ra mlambenyi riko idime sena kesho riakorwa, ndechaam'bonyera nicha kuchumba inyo wandu wa irumirio itini anguwada?

MATHAYO 8:26

Jesu ukawizera, “Inyo wandu wa irumirio itini, kwaki mwaobua?” Niko ukawuka, ukaikania mbeo na bahari; kukakaia kuhoa kubaa.

LUKA 8:25

Nao ukawizera, “Welee, irumirio jenyu jeko hao?” Nawo wikaobua na kuzerana, “Welee, uhu nani ulaghiragha hata mbeo na machi, navo vamsikira!”

WAEBRANIA 6:7

Ija ndoe inywagha machi gha vua inyagha aighu yaro shwa kwa shwa, na kuva mavalo ghiwifwanagha awo wandu wereilimieghe, yadarasimilwa ni Mlungu.

1 PETRO 1:24

Angu, “Mimbi yose ni sa nyasi, na wubaa ghwaro ghose ni sa mboi ya nyasi; nyasi radanyaya, na mboi raro radapotoka.