LUKA 12:15 - Biblia Ilagho Jiboie Kwa Wandu Wose

¹⁵ Nao ukawizera, “Manyenyi mkulindie na iriso, angu irangi ja mundu ndejiko andenyi ya ugho wungi ghwa mali uko naro anduangi.”

LUKA 12:15 ပူးပေါင်းရင်းမြစ်များ

1 WAZURI 2:40

ukawuka na kuala punda wake, ukaghenda cha Gathi kwa Akishi kuwilola wazumba wake. Ukawikua aho na kuwireda kufuma Gathi.

AYUBU 2:4

Niko Shetani ukamtumbulia BWANA, “Mrongo kwa mrongo. Mundu wadima kufunya icho chose uko nacho kwa wundu ghwa irangi jake.

ZABURI 10:3

Mundu mmbiwi wadakukasa na bea ra ngolo yake, mundu wa choyo, wadamuewia na kumlegha BWANA.

ZABURI 37:16

Icho kitini mhachi uko nacho chaboie kuchumba mali ra wawiwi wengi.

ZABURI 62:10

Mserumirie chia etumia ndighi, angu kukaia na isuwirio kwa chia esoka; mali rikachurikia msakerisuwiria.

MAKATANISHO 15:16

Ni baa kukaia na vitini kukimuobua BWANA, kuchumba mali nyingi chiaimweri na wasi.

MAKATANISHO 16:16

Kupata hikima kwaboie, kwachumba dhahabu, na kutambukilwa kuchumba feza.

MAKATANISHO 28:16

M'bonyi nguma usetambukilwagha ni maza, ni mkinyanya mkorongi; ela uhu uzamilwagha ni kushama kusene hachi, uchabonya nguma kwa matuku mengi.

JEREMIA 6:13

Weechulwa ni bea wose, kufuma mtini hata m'baa wawo; wakunda kupata fwaida risena hachi, kufuma mlodi hata mkohani, kula umu uabonya mikalo.

EZEKIELI 33:31

Nawo wadaacha kwako sa ngelo rose, na kusea kidombo imbiri kwako sa wandu wapo, na kusikira agho kughoragha, ela ndewibonyagha sa iji wazerwa; kwa kukaia wawonyera lukundo kwa memu yawo, ela ngolo rawo rianugha fwaida rawo.

MIKA 2:2

Wikakunda mbuwa, wiariwada; wikakunda nyumba wiariwusa; ndekuwadie familia angu vilambo va mndungi viko na wulindiri ghukate.

HABAKUKI 2:9

Ni bugha kwako kuredagha mali ra wuwiwi nyumbenyi kwako na kwa iro kutima kuwika muzi ghwako nicha ghusepato ni mawiwi.

MARKO 7:22

wutoi, kubwagha, kusela na waka wa wandu, iriso, wuwiwi, wukalo, wusawi, kurasha, wung'eti na wukelu.

LUKA 12:16

Nao ukawighoria mfwano ughu: “Ndoe ya mndumu uko na mali, erevaeghe loli-loli;

LUKA 16:14

Nao iji Mafarisayo wereghisikireghe agho, nawo ni wandu wikundagha mali, wikamseka kwa lumenyo.

LUKA 21:34

“Mkulindie, ngolo renyu risechechulwa ni lwafuo, kuwongia, na maza ra irangi iji; Ituku ijo jichemchea ghafla msemanyagha.

LUKA 8:14

Iri rerepotokieghe minjonyi, ni sa wandu wijisikiragha ilagho, ela wikighenda woruwu wachulwa ni maghesho na bea ra mali na maseko gha irangi iji, nao ndewiwurushagha matunda ghangi anduangi.

1 WAKORINTHO 6:10

vitoi, wandu wibonyagha iriso, wawongeri, wandu wisholiagha, hata viting'a, ndewichaapata ifwa ja wuzuri ghwa Mlungu anduangi.

WAKOLOSAI 3:5

Kwa huwu ribwaghenyi iro bea ra wurumwengu riko andenyi konyu; kulaka, kushughunuka, mirudo ya bea, bea rizamie, na iriso, najo ni kutasa milimu;

2 TIMOTHEO 3:2

angu wandu wichakaia wekukunda weni, wilakie na pesa, wekukasa, wing'etere; wichakaia wedukana wandu, wisesikiragha wavi wawo, wisewadie chawucha ingi, wiseelie,

WAEBRANIA 13:5

Msakekaia na irangi jelaka na pesa, ela mkato ni ivo veni muko navo; angu Mlungu waghambie, “Na jingi sichaakusowia, hata kukusigha anduangi.”

JOSHUA 7:21

Niendawona nguwo iboie kufuma Babuloni, kilo iwi ra feza, na kipande cha dhahabu cha nusu kilo, ngawadwa ni bea ngavishoa; ola navirikie andoenyi andenyi hemenyi kwapo, na feza reko nandonyi yaro.”

2 PETRO 2:14

Weko na meso ghichue wulaki, nawo ndewikunde kutana na kaung'a. Wakalia wandu wanyonge; ngolo rawo rakufundishire kukaia na lwafuo; ni wandu wiwadilo ni njowe putu.

2 PETRO 2:3

Na kwa lwafuo lwawo wichamkalia, eri wikupatire weni fwaida. Kufuma kala Mtanyi wawo oko aeni, na Mtoteshi wawo ndelalagha anduangi.