LUKA 12:11 - Biblia Ilagho Jiboie Kwa Wandu Wose

¹¹ Nenyo iji wamreda sunagoginyi, na kwa wabaa, na kwa awo wibonyagha nguma, msakesumbuka mchatumbulia wada, angu mchaghora wada;

LUKA 12:11 ပူးပေါင်းရင်းမြစ်များ

KUFUMA 4:12

Idana ghenda, nani nichakutesia kudeda na kukufundisha seji kuchaaghora.”

MATHAYO 23:34

Kwa huwu nichamdumia walodi na wandu wa hikima na walimu, ela wamu wawo mchawibwagha na kuwisulubisha, na wazima mchawikaba na viboko andenyi ya masunagogi ghenyu na kuwitirira muzi kwa muzi.

MATHAYO 6:25

“Kwa huwu namzera, msakesumbukia irangi jenyu mchajaki, angu mchanywaki, angu kwa mumbi ghonyu mcharwaki. Welee, irangi ndajachumba vindo, na mumbi ndaghwachumba marwao anguwada?

MATHAYO 6:27

Nani konyu kwa kuja wasi kwake, udimagha kuchuria ituku jimweri kwa irangi jake?

MATHAYO 6:28

Kwaki sena mughisumbukiagha marwao? Rizighanenyi mboi ra mlambenyi seji rizoghuagha; nderibonyagha kazi hata nderilukagha anduangi.

MATHAYO 6:31

“Kwa huwu msakeja wasi mkighamba ‘Dichajaki angu Dichanywaki angu Dicharwaki?’

MATHAYO 6:34

Kwa huwu msakeja wasi kwa wundu ghwa kesho, angu kesho ichakaia na wasi ghwake ghukate. Wasi ghwa kula ituku jimweri ghwakata.

LUKA 12:22

Nao Jesu ukawizera wanughi wake, “Kwa huwu namzera inyo, msakejisumbukia irangi jenyu, wei mchajaki, angu mimbi yenyu wei mcharwaki.