LUKA 11:9 - Biblia Ilagho Jiboie Kwa Wandu Wose

⁹ Nani namzera, lombenyi nenyo mchanekwa, lolenyi nenyo mchawona, kongodenyi nenyo mcharughuilwa.

LUKA 11:9 ပူးပေါင်းရင်းမြစ်များ

ZABURI 118:5

Neremmbangieghe BWANA kwa wasi ghwapo, ukanitumbulia na kunifungua.

ZABURI 27:4

Nalombie ilagho jimweri tu kwa BWANA, najo nijo jeni nijilolagha; ja ini kukaia nyumbenyi kwa BWANA matuku ghose gha irangi japo; niwoneghe kughoka kwa BWANA, na kulola wulongozi ghwake andenyi ya Hekalu yake.

ZABURI 27:8

Oho kwaghambie, “Nilolenyi.” Nani naghamba, “Nichakulola ee BWANA;

ZABURI 34:10

Wana wa shimba wasowagha wikaie njala, ela awo wimlolagha BWANA, ndewisowagha kindo chingi chiboie anduangi.

ZABURI 34:4

Neremlombieghe BWANA, ukanitumbulia; ukanikira na wowa ghwapo ghose.

ZABURI 50:15

Kuniwange ituku kwapatwa ni wasi, nani nichakukira na oho kuchanikasa.”

LUMBO 5:6

Ngamrughuya mkundwa wapo mnyango, ela orekoghe waghenda. Ngolo yapo ikasia uendadeda. Ngamlola, ela sicheemmbona; ngammbanga, ela ndecheenidika.

ISAYA 45:19

Sereghorieghe kivisonyi andenyi ya isanga ja kirenyi; serechizerieghe kivalwa cha Jakobo winilole duu. Ini BWANA nadaghora loli, na kufunukua agho ghiko gha hachi.”

JEREMIA 29:12

Niko aho mchaniwanga, mchacha na kunilomba; nani nichasikira.

JEREMIA 33:3

“Niwange nani nichakutumbulia; nichakughoria maza mbaa rivisikie, iro kusererimanyireghe.

DANIELI 9:3

Niko ngamghalukia BWANA Mlungu na kumlomba kwa kufunga ndighi; ngimlomba na kuvoya kwa kufunga tumu na kurwa nguwo ra magunia, na kusea kidombo ivunyi.

MATHAYO 21:22

Na ijo jose mlombagha, ngera mwakaia na irumirio mchajipata.”

MATHAYO 21:31

Welee, kwa waja wana wawi ni uao ubonyere lukundo lwa ndee?” Wikatumbulia, “Ni uja wa imbiri.” Jesu ukawizera, “Namghoria loli, wawadi wushuru na malaya wamkiria kungia kwa wuzuri ghwa Mlungu.

MATHAYO 6:29

Ela namzera, hata Solomoni kwa wuzuri ghwake ghose, ndererushiroghe nicha karakara na imu ya mboi iro anduangi.

MARKO 11:24

Niko namzera, vilambo vose muvilombagha, rumirienyi angu mwavipata, nenyo mchanekwa.

MARKO 13:37

Na seji nimzeragha inyo, nawizera wose: Chereshenyi!”

LUKA 11:10

Angu kula mundu ulombagha wadanekwa, na uo ulolagha wadawona, na uo ukongodagha wadarughuilwa.

JOHANE 14:13

Icho chose mchaalomba kwa irina japo, nicham'bonyera; Aba upate kukaswa andenyi ya Mwana.

JOHANE 15:16

Inyo ndemorenisaghueghe ini anduangi, ela ni ini neremsaghueghe inyo, na kumduma mwende muve matunda, matunda ghiduagha; eri icho chose mchaalomba kwa Aba kwa irina japo umneke.

JOHANE 15:7

Mkakaia andenyi kwapo, na malagho ghapo ghikakaia andenyi konyu, mchalomba icho chose mkundagha nenyo mchanekwa.

JOHANE 4:10

Jesu ukamtumbulia, “Na ngera kodemanya inosi ja Mlungu, na nani uhu ukuzeragha, ‘Nineke machi ninyo,’ kumangu kwamlomba uo ukakuneka machi ghiko moyo.”

WAROMA 2:7

Awo wawuyabonya mecha kwa kurumaghia, wikilola wubaa na ishima, na kudua kwa kala, uchawineka irangi ja kala na kala.

2 WAKORINTHO 6:2

Angu waghamba, “Ngelo irumirikie, nerekusikireghe, na kukutesia ituku ja kukia.” Ola idana, ihi niyo ngelo irumirikie; ola idime nijo ituku ja kukia.

WAEBRANIA 11:6

Na kuseko na irumirio, ndeidimikagha kum'boia Mlungu anduangi. Angu mundu uo ose umsoghoderagha Mlungu, ni suti urumirie kukaia oko; nao wawikatishiragha awo wimlolagha uo.

WAEBRANIA 4:16

Kwa huwo ndedisoghode kaavui na kifumbi cha wughoma kwa wuwana, eri dipate kufuilwa wughoma, na kupata mvono ghoditesia ngelo ghukundikagha.

JAKOBO 1:5

Ela ngera mndungi onyu wasowa hikima, ndelombe kwa Mlungu, uhu unekagha wandu kwa wungi, kuseko na kubukia; nao uchanekwa.

JAKOBO 5:15

Ilombi ja irumirio jichamkira uo mkongo, na Bwana uchammbusira; na ngera wabonyere kaung'a, uchafuilwa wughoma.

1 JOHANE 3:22

Nesi dikalomba kilambo icho chose diapata kufuma kwake; angu dawuyaiwadia memu yake, na kubonya seji ukunde.

WUFUNUO 2:24

Ela inyo msigharikie andenyi ya Thuatira, msewuenugha agho mafundisho, hata msekufundishire iro maza wamu wawuyariwanga maza riko ndenyi ra Shetani, namzera huwu: simdukishiragha msigo ghungi mzima anduangi,