LUKA 11:7 - Biblia Ilagho Jiboie Kwa Wandu Wose

⁷ Nao moni kondenyi umtumbulie umzere, ‘Kusakenijisha wasi, mnyango ghwameria kurughwa, nani na wana wapo dameria kulala. Sidimagha kuwuka nikuneke kindo chingi.’

LUKA 11:7 ပူးပေါင်းရင်းမြစ်များ

LUMBO 5:3

Nameria kurua nguwo, niwuyarwa wada sena? Nameria kuoghosha maghu, niwuyaghilusha wada sena?

MATHAYO 25:10

Ela iji werefumieghe kwendaghua, uja bwana arusi ukacha, na waja werekoghe tayari wikangianya nao cha karamunyi ya arusi, mnyango ghukarughwa.

LUKA 11:6

nachelwa ni mghenyi wafuma charonyi, nani siwadie kindo chingi chemneka anduangi.’

LUKA 11:8

Namghoria, hata ngera saki ndekunde kuwuka umneke kindo chingi, angu wei ni mghenyi wake, ela angu wafunga ndighi kumlomba kuseko waya, loli uchawuka na kumneka vose ukundagha.

LUKA 13:25

Iji mundu wa nyumba wawuka na kughurugha mnyango, inyo mchakaia kimusi shighadi na kukongoda mnyango mkighamba, ‘Bwana dirughuye.’ Nao uchamtumbulia, ‘Simmanyire andu mfumagha anduangi.’

LUKA 7:6

Nao Jesu ukaghendanya nawo. Hata iji werevikieghe kaavui na nyumba yake, uja m'baa wa Kiroma ukaduma waghenyi wake kwa Jesu ukighamba, “Bwana, kusakekusumbua, angu ini sifwane kuchelwa ni oho, kungie nyumbenyi kwapo.

WAGALATIA 6:17

Kufuma idana mndungi usakenijisha wasi, angu naawuyadwa vilema va Jesu mumbinyi kwapo.