LUKA 11:29 - Biblia Ilagho Jiboie Kwa Wandu Wose

²⁹ Nao iji izungu jerekoghe jikichurikia ukazoya kuwizera, “Ichi ni kivalwa cha wuwiwi; chialola weke mwakilimbiti, nacho ndechichaanekwa mwakilimbiti ungi, ela uja moni wa Jona.

LUKA 11:29 ပူးပေါင်းရင်းမြစ်များ

EZEKIELI 24:24

Na Ezekieli uchakaia fwana konyu; nenyo mchabonya sa iji koni wabonya. Ngelo maza iro richaakatia, niko mchaamanya kukaia ini ne Bwana MLUNGU.’

JONA 1:1

Ituku jimu BWANA oreghorieghe na Jona mwana wa Amitai ukighamba,

MATHAYO 3:7

Nao iji Johane wawiwona Mafarisayo wengi na Masadukayo wikimchea uwibaputize ukawizera, “Inyo kivalwa cha choka! Nani umfundire mughikimbie agho makabo ghichagha?

MARKO 8:38

Angu uo uchaaniwonia waya ini na malagho ghapo, kwa kivalwa ichi cha kulaka na kaung'a, Mwana wa Mdamu wori uchammbonia waya, kasikira wacha na wubaa ghwa ndee, andwamweri na weke malaika wielie.”

LUKA 11:16

Na wazima kwa kumtima, wikalola mwakilimbiti kwake kufuma mlungunyi.

LUKA 11:50

eri ipate kukotelwa kwa kivalwa ichi, bagha yose ya walodi idirilo kufuma kuzolwa kwa wurumwengu.

LUKA 12:1

Ngelo iyo, iji maelfu mengi gha wandu gherekwanyikieghe, hata wikakaia wikiwadiana weni na weni, Jesu ukazoya kuwighoria wanughi wake imbiri ukighamba, “Mkulindie na chachu ya Mafarisayo nayo ni kuja kuwi.

LUKA 9:41

Jesu ukatumbulia, “Inyo kivalwa cha lubando, chisewadie irumirio, niduanya nenyo hata lii? Nirumaghianya nenyo hata lii? Mrede mwanwako aha.”

JOHANE 2:18

Nao Wayahudi wikamkotia, “Ni alamaki kuibonyagha idiwonyere angu koko na hachi ebonya maza iri?”

JOHANE 6:30

Wikamkotia, “Ni mwakilimbiti uao kubonyagha nesi diwone dikurumirie? Kwabonya kaziki?

JOHANE 8:44

Inyo mo wana wa ndeyo uja Mmbiwi, na bea rake niro reni mkundagha kuribonya. Uo orekoghe m'bwaghi kufuma kuzoya, hata na jingi ndekaiagha na loli, angu ndekuwadie loli ingi andenyi kwake anduangi. Iji waghora tee, wadaghora kikwake cheni: angu uo moni ni mtee, na ndee wa tee rose.

1 WAKORINTHO 1:22

Angu Wayahudi weekunda alama, na Wagriki wialola hikima;