LUKA 10:31 - Biblia Ilagho Jiboie Kwa Wandu Wose

³¹ Nao mkohani umu ukasea ukimaria ija chia, hata iji wammbona, ukaida chia na mbai,

LUKA 10:31 ပူးပေါင်းရင်းမြစ်များ

2 SAMUELI 1:6

Uja mundu ukamzera, “Nerekoghe nacha aighu ya Mghondi ghwa Gilboa kwa bahati, na aho ngammbona Sauli ukikusaghika na ifumu jake; na magare na wajoki farasi werekoghe wikimnugha kaavui.

ZABURI 142:4

Ngeduazighana ii chia, siwonagha mndungi onitesia, hata onilindia mndungi onitala ndeuko.

ZABURI 69:20

Madukano ghanibwaghie ngolo, ngasirilwa putu ni isuwirio. Nalolie oniwonia wughoma, ngamsowa; ngalola onihoresha, ela siwonie ungi.

MAKATANISHO 21:13

Mundu uleghagha kusikira kililo cha mkiwa, uo moni wori uchakema nao ndechaasikirwa ni mndungi.

MCHILI 9:11

Sena nawonie andenyi ya wurumwengu ughu kukaia, wandu wa iseghe ibaa siwo wangi wisimagha misarigho ngelo rose, na mang'oni sigho ghangi wisimagha wudenyi ngelo rose. Wandu wa hikima ndewipatagha vindo ngelo rose, na wandu wa suku ndewipatagha mali ngelo rose, hata si awo wiko na wuya witalikagha kuchumba anduangi; ela kula mundu wadakwana na mzwana ghwake.

ISAYA 58:7

Nechi ni kummbaghia vindo vako uo usowie, na kumngira nyumbenyi kwako uo mkiwa usena wulalo; na iji kwammbona mundu uko duu, kumrushe nguwo, hata kuseleghe kumtesia mndungi wa kichuku chako.

JEREMIA 5:31

Walodi wawuyaloda tee, na wakohani waawuyabonya nguma kwa wulongozi ghwa awo walodi; wandu wapo nawo weekunda maza rikaie woruwo, ela, mchabonya wada ngelo ra kutua?”

HOSEA 5:1

“Sikirenyi agha inyo wakohani! Sikirenyi agha ee wandu wa Israeli! Sikirenyi inyo wandu wa kinyumba cha wuzuri! Kutanya uku ni aighu enyu; kwa kukaia mwamerie kuwuya mdegho kwa Mispa, nyavu ideghelo aighu ya Mghondi ghwa Tabori,

HOSEA 6:9

Wakohani weeka sa vitoi vilaliriagha mundu. Wadabwagha hata achienyi ya wueli eghenda Shekemu. Wadabonya maza iri rose mbiwi kwa kidali tu.

MALAKI 1:10

BWANA Uwadie-Ndighi-Rose waghamba, “Naawuyakunda umu onyu urughe minyango ya Hekalu eri mndungi usechengia na kukora medo ya kisha-kisha aighu ya madhabahu yapo. Siwueboilwa ni inyo, na vizongona mredagha.

LUKA 10:30

Jesu ukamtumbulia, “Mndumu orekoghe ukisea kufuma Jerusalemu kwenda Jeriko, nao chienyi ukawadwa ni viting'a, vikamrua nguwo, na kumkaba na ndighi; wikamsigha kaavui na kufwa.

LUKA 10:32

wokoni na Mlawi umu ukisea ukammbona, nao moni wori ukaida chia na mbai.

RUTHU 2:3

Ruthu ukaghenda cha mbuwenyi, ukakaia ukiwinugha na nyuma awo wandu werekoghe wikikuwida, ukashoa agho masighariko gha vanga va viro werevisighieghe, na kwa bahati, iyo mbuwa erekoghe ni ya Boazi uo orekoghe wa kichuku cha weke Elimeleki.