LUKA 10:22 - Biblia Ilagho Jiboie Kwa Wandu Wose

²² Nanekelo vilambo vose ni Aba; hata ndekuwadie mndungi ummanyagha Mwana nani, ela Aba moni, sena mndungi ndemmanyagha Aba nani, ela Mwana moni, na uo ose Mwana uchaamsaghua umfunukuye.”

LUKA 10:22 ပူးပေါင်းရင်းမြစ်များ

MATHAYO 11:25

Ngelo iyo Jesu ukaghamba, “Nakuneka chawucha ee Aba, Bwana wa mlungunyi na ndoenyi, angu korewivisireghe wandu wa akii na suku maza iri, kukawiwonyera wanake watini.

MATHAYO 11:27

Aba waninekie vilambo vose. Hata ndekuwadie ungi ummanyagha Mwana ela Aba, sena ndekuwadie mndungi ummanyagha Aba ela Mwana, na uo ose Mwana uchaakunda kumfunukuya.

MATHAYO 28:18

Jesu ukawichea ukawizera, “Namerie kunekwa nguma rose mlungunyi na ndoenyi.

JOHANE 1:18

Jingi mndungi nderemmbonieghe Mlungu anduangi, ela Mwana wa ititi, uhu uko laghenyi kwa Aba, nuo ummanyishire.

JOHANE 10:15

sa iji Aba uniichi ini, nani namwichi Aba; nani najifunya irangi japo kwa wundu ghwa ng'ondi.

JOHANE 13:3

Jesu moni ukimanya angu uja Aba wamnekie vilambo vose mikonunyi kwake, na angu orefumieghe kwa Mlungu, sena uaghenda kwa Mlungu;

JOHANE 17:10

Vose niko navo ni vako, na vako ni vapo; nani naawuyakaswa andenyi kwawo.

JOHANE 17:2

Angu koremnekieghe nguma aighu ya wadamu wose, uwineke irangi ja kala na kala waja koremnekieghe.

JOHANE 17:26

Nameria kukubonya kumanyike kwawo, nani nichachuria kubonya wokoni, eri ulo lukundo kunikunde nalo lukaie andenyi kwawo, nani nipate kukaia andenyi kwawo.”

JOHANE 17:5

Idana Aba, nikase ini imbiri kwako, kwa ugho wubaa nerekoghe nagho imbiri ya kuumbwa wurumwengu.

JOHANE 3:35

Uja Aba wamkunde Mwana, nao wamnekie vilambo vose.

1 WAKORINTHO 15:24

Niko kuja kutua kuchaacha, ingelo Kristo uchaamneka uja Aba Mlungu ugho wuzuri; nyuma ya kunona kula wubaa na nguma na kudima.

2 WAKORINTHO 4:6

Angu uo Mlungu ughambie, “Mwengere ndeghung'ale-ng'ale kufuma kirenyi”, nuo moni ung'alie andenyi ngolonyi kodu, na kudineka mwengere, dipate kughumanya wubaa ghwa Mlungu ghwawuyang'ala-ng'ala wushunyi kwa Kristo.

WAEFESO 1:21

ighu nandighi kuchumba kubonya nguma kose, na kudima, na ndighi, na wuzuri, na aighu ya kula irina jiwangilo; si kwa ngelo ihi cheni anduangi, ela hata na iyo ichagha wori.

WAEBRANIA 2:8

kukaviwika vilambo vose aisi ya maghu ghake vipate kumsikira.” Idana kwa kuviwika vilambo vose aisi yake, vipate kumsikira, ndesighie kilambo chingi usechiwikie aisi yake anduangi. Seji iko, daduagha disewonie vilambo vose vawikwa aisi yake.

1 JOHANE 5:20

Nesi damanya angu Mwana wa Mlungu wamerie kucha, na kudineka kutambukilwa, dipate kummanya Mlungu wa loli; nesi deko andenyi kwake uo Mlungu wa loli, andenyi ya Mwana wake Jesu Kristo. Uhu nuo Mlungu wa loli, na irangi ja kala na kala.

2 JOHANE 1:9

Mndungi ughendagha imbiri kuseko na mafundisho gha Kristo, ndewadie Mlungu; uo ukaiagha kwa agho mafundisho, oko na uja Aba andwamweri na uja Mwana wori.