LUKA 10:19 - Biblia Ilagho Jiboie Kwa Wandu Wose

¹⁹ Olenyi namneka nguma rekanyanga aighu ya choka na vishushe, na kurisima ndighi rose ra uja m'maiza, hata ndekuwadie kindo chingi chichaam'bonya ilagho jingi anduangi.

LUKA 10:19 ပူးပေါင်းရင်းမြစ်များ

2 MALAGHO GHA NGELO 10:11

Na seji aba oremdukishireghe msigo ghulemere, nichaghuchuria. Aba oremkabieghe na kiboko, ela ini nichamlumishira weke mwambandenyi.’”

ZABURI 91:13

Kuchawadia shimba na mwaropo; kuchafasha-fasha mwana wa shimba na choka ya wusungu.

ISAYA 11:8

Mwana uongagha uchasarigha a mrumenyi ghwa choka, na mwana usighie kuonga uchangira mkonu ghwake a mrumenyi ghwa mwaropo.

EZEKIELI 2:6

“Na oho mwana wa mdamu, kusakewiobua, hata kusakeobua malagho ghawo, hata ngera kwakaia aghadi kwawo sa mundu uko andenyi ya mndandangoma na minjwa, seji kwaaseria weke mwambandenyi, kusakeobua malagho ghawo, hata kuzighana kwawo kusekufushe waya; angu awo ni wandu welegha.

MARKO 16:18

Wichawada choka, na hata ngera wanywa kindo chingi chebwagha, ndewichaawona ilagho jingi anduangi. Wichawiwikiria wakongo mikonu, nawo wichaboa.”

LUKA 11:12

Angu ulombe ighi, nao umneke kishushe?

MABONYO GHA WADUMI 28:5

Ela Paulo ukaighughudua ija choka modonyi, nao nderepatiroghe ni kiwiwi chingi anduangi.

WAROMA 16:20

Na Mlungu uo uredagha sere uchamfasha Shetani aisi ya maghu ghenyu kafwani. Mvono ghwa Bwana Jesu Kristo ndeghukaie andwamweri nenyo.

WUFUNUO 11:5

Na ngera mndungi wakunda kuwibonya ilagho jingi, modo ghwafuma memunyi kwawo na kuwisaghisa wamaiza wawo, na mndungi uchaakunda kuwibonya ilagho jingi, uchabwaghwa kwa iyo chia.