LUKA 10:13 - Biblia Ilagho Jiboie Kwa Wandu Wose

¹³ “Ni bugha kwako Korazini! Ni bugha kwako Bethsaida! Angu weke mwakilimbiti wibonyekie kwako, ngera wedebonyerwa Tiro na Sidoni, kumangu wamerie kuhea koicho, wikirwa nguwo ra magunia na kusea kidombo ivunyi.

LUKA 10:13 ပူးပေါင်းရင်းမြစ်များ

AYUBU 42:6

Nakumenya ini moni, na kuhea ngisea kidombo aterinyi na ivunyi.”

ISAYA 61:3

kuwineka awo wiko na wasi Sioni, kiremba cha maua gha kuboilwa wulalo ghwa maivu gha wasi; na mavuda gha kuboilwa wulalo ghwa wasi, na lumbo lokasa wulalo ghwa roho ya wasi; eri wiwango mialoni ya hachi iwalo ni BWANA, nao upate kunekwa wubaa.

EZEKIELI 26:1

Ituku ja imbiri ja mori, mwaka ghwa ikumi na imweri ghwa kubarishwa kodu, BWANA oreghorieghe nani ukighamba,

DANIELI 9:3

Niko ngamghalukia BWANA Mlungu na kumlomba kwa kufunga ndighi; ngimlomba na kuvoya kwa kufunga tumu na kurwa nguwo ra magunia, na kusea kidombo ivunyi.

AMOSI 1:9

BWANA waghamba, “Wandu wa Tiro wabonyere kaung'a sena na sena; kwa wundu ugho nichawikaba. Wadwae mbari yose wunyika cha isanga ja Edomu, hata ndeweretalieghe ighemi werejibonyereghe ja kiwughenyi.

1 TIMOTHEO 4:2

kwa chia ya wandu wa tee wikaliagha, awo nia rawo riko seji reekabwa mtero kwa chuma chikumbilo modonyi.

WUFUNUO 11:3

Nani nichawineka ndighi washahidi wapo wawi, wipate kuchila ilagho ja Mlungu matuku elfu na maghana awi na mirongo irandadu, wikirwa nguwo ra magunia.”