LUKA 1:8 - Biblia Ilagho Jiboie Kwa Wandu Wose

⁸ Ituku ja izughe jake, Zakaria orekoghe ukibonya wudumiki ghwake ghwa wukohani Hekalunyi imbiri ya Mlungu,

LUKA 1:8 ပူးပေါင်းရင်းမြစ်များ

1 MALAGHO GHA NGELO 24:19

Wandu awo, erekoghe ni kazi yawo kucha andenyi ya Hekalu ya BWANA na kubonya wudumiki kunughana na mpango ghorebonyeroghe ni ndee Haruni kwa wundu ghwawo sa iji koni BWANA Mlungu wa Israeli oremlaghirieghe.

1 MALAGHO GHA NGELO 24:2

Ela Nadabu na Abihu werefueghe imbiri ya ndee, nawo ndewerekoghe na wana wangi; niko Eleazari na Ithamari wikawuya wakohani.

2 MALAGHO GHA NGELO 11:14

Walawi weresighieghe masanga ghawo na mali rawo wikacha Juda, kwa kukaia Jeroboamu na wana wake werewighirieghe wisedumike sa wakohani wa BWANA.

2 MALAGHO GHA NGELO 31:19

Wakohani wa kivalwa cha Haruni, werekoghe andu korewikiloghe chiaro kukaie kwa mizi yawo; aho korekoghe wandu wiwikilo andenyi ya mizi milazi, wimanyikagha kwa marina, wikaie na kazi ewaghia wandu wa womi vindo aghadi ya wakohani, na aghadi ya kula umu wa Walawi wereandikishiroghe.

2 MALAGHO GHA NGELO 31:2

Hezekia ukawika vipughi va wakohani na Walawi, kula kipughi kwa ifungu kunughana na wudumiki ghwaro ghwa wukohani angu ghwa Walawi wipate kufunya vizongona vekora na va mapatano, kudumika mbengenyi ya Andu Kokaia kwa BWANA; kufunya chawucha na kubora makaso.

2 MALAGHO GHA NGELO 8:14

Kunughana na mafundisho gha ndee Daudi, orewikieghe vipughi va wakohani kwa wundu ghwa wudumiki ghwawo, na Walawi kwa kazi ya kukasa na wudumiki ghotesia wakohani seji erekundikieghe kula ituku; na walindiri mbenge kwa vipughi vawo kunughana na seji mbenge rerekoghe ndazi; angu huwo niko Daudi mundu wa Mlungu orelaghirieghe.

EZRA 6:18

Wikawika wakohani kwa mafungu ghawo, na Walawi kwa mazughe seji iandikilo chuonyi kwa Musa wibonyeghe wutasi ghwa Mlungu aho Jerusalemu.

KUFUMA 28:1

“Kumrede mwanyinyu Haruni na wana wake kaavui na oho. Haruni na wana wake; Nadabu, Abihu, Eleazari, na Ithamari; kuwitenge aghadi ya Waisraeli wipate kunidumikia kwa kazi ya Wukohani.

KUFUMA 28:41

Kumrushe mwanyinyu Haruni na wana wake agho marwao, nao kuwidunge mavuda na kuwiwika wakfu kwa wundu ghwa wudumiki ghwa wukohani.

KUFUMA 29:1

“Huwu niko kuchaabonya kwa kuwiwika wakfu Haruni na wana wake, wipate kunidumikia kwa wukohani: Kuchawada mwana wa njau, na bauru iwi risewadie itiko;

KUFUMA 29:44

Nichaielesha Hema na madhabahu, nani nichawiwika Haruni na wana wake wikaie wadumiki wapo kwa wukohani.

KUFUMA 29:9

Kuwifunge mishipi viwonunyi kwawo, na kofia kuwingire vongonyi kwawo. Huwo niko kuchaawibonya na kuwiwika wakfu Haruni na wana wake; nawo wichanidumikia andwamweri na kivalwa chawo kwa kala na kala.

KUFUMA 30:30

Na oho kuchamshinga Haruni na wana wake mavuda, na kuwiwika wakfu wipate kunidumikia sa wakohani.

MITALO 18:7

Ela oho na wana wako, mchabonya kazi ra wukohani madhabahunyi, na iro ra Andu kwa wueli kuchumbie. Wukohani ni inosi jenyu nimnekie na mndungi ukaghusoghodera, uchabwaghwa.”

LUKA 1:5

Matuku gha Herode mzuri wa Judea, korekoghe na mkohani umu uwangwagha Zakaria, wa ifungu ja wukohani ghwa Abia, nao orekoghe na mkake, nao ni mwai wa kichuku cha wukohani ghwa Haruni, uwangwagha Elizabeti.

LUKA 1:7

Ela ndewerewadieghe mwana ungi, angu Elizabeti orekoghe kolowi; na sena wose werekoghe waghosia na ndighi.