“Kufunga tumu kubonyero mori ghwa kana, na ghwa kasanu, na ghwa mfungade, na ghwa ikumi, kuchawuya ndima ra kuseka na kuboilwa kwa wandu wa Juda. Muikunde loli na sere.”
Angu nuo udibonyere, ukadiumba andenyi ya Kristo Jesu, kwa wundu ghwa mabonyo mecha; agho Mlungu oreghiboisireghe kufuma imbiri, dipate kughibonyaghaa.
Na oho kumuobua BWANA Mlungu wako; oho, na mwana wako, na wawayo, kwa kuwadia iro sharia rake na memu yake nikulaghiragha kuiwadia irangi jako jose; eri matuku ghako ghikaie mengi.
Ela isi, deko na suti emfunyira Mlungu chawucha matuku ghose, kwa wundu ghonyu wanidu mkundo ni Bwana; kwa kukaia Mlungu oremsaghueghe inyo kufuma kuzoya, mpate kukia kwa chia ya kueleshwa ni uja Roho, na kuirumiria ija loli.
Mlungu oredikirieghe na kudiwanga dipate kukaia waeli; si kwa wucha ghwa kazi redu anduangi, ela ni kwa wucha ghwa mpango ghwake moni, na mvono ugho oredinekieghe andenyi ya Kristo Jesu imbiri ya ngelo.