LUKA 1:71 - Biblia Ilagho Jiboie Kwa Wandu Wose

⁷¹ angu uchadikira kufuma kwa wamaiza wedu; na kwa mikonu ya wose widimenyagha;

LUKA 1:71 ပူးပေါင်းရင်းမြစ်များ

2 WAZURI 17:39

ela mumtase BWANA Mlungu onyu, nao uchamkira na mikonu ya wamaiza wenyu wose.”

ZABURI 106:10

Ukawikira na awo werewizamiagha; ukawivuvua kufuma kwa wamaiza wawo.

ZABURI 106:47

Dikire ee BWANA Mlungu odu, kudiwunje kufuma kwa mbari zima, dipate kukufunyira chawucha na kujikasa irina jako ja wueli.

JEREMIA 23:6

Matuku ghake Juda uchakirwa, na Israeli uchakaia banana; nao uchawangwa kwa irina iji, ‘BWANA nuo hachi yedu.’

JEREMIA 32:37

Olenyi nichawitumbanya awo wandu kufuma kwa agho masanga nerewiwingieghe kwa wundu ghwa machu ghapo na kubia kwapo, na makai mabaa; nipate kuwiwunja andu aha, nani nichawibonya wikaie nicha.

EZEKIELI 28:26

Nawo wichakaia banana andenyi ya ijo isanga; wichaagha nyumba na kuwa mizabibu. Wichakaia banana ingelo nichaatanya awo wambao werewikitagha; nawo wichamanya kukaia ini ne Bwana MLUNGU.”

EZEKIELI 34:25

Nichabonya ilaghano ja sere andwamweri naro, na kuinja nyamandu ra isakenyi rifume isangenyi; ripate kukaia banana kireti, rikilala kilembenyi.

EZEKIELI 34:28

Nderichaakaia madiwo sena gha iro mbari ra wandu, hata nyamandu ra isangenyi nderichaarija sena; richakaia banana na mndungi ndechaariturusa sena anduangi.

EZEKIELI 38:8

Nyuma ya matuku mengi, kuchatumbanywa; miaka ichagha kuchaghenda kulwa na isanga jisighie kulwa wuda, wandu waro werewunjiroghe kufuma kwa mbari nyingi, na kuwikwa aighu ya mighondi ya Israeli, iyo eresighiloghe miduu kwa ngelo ndacha; na wandu waro wose waawuyakaia nicha.

LUKA 1:68

“Ndekaso Bwana Mlungu wa Israeli, angu wawivikia wandu wake na kuwikombua.

LUKA 1:74

iji dakirwa kufuma mikonunyi kwa wamaiza wedu, dichamdumikia kuseko na wowa,

WUKUMBUSO 33:29

Israeli kuboilwa saki! Ndekuwadie ungi ufwanane nenyo, mburi ikirilo ni BWANA. BWANA moni ni ngao yenyu na lufu lonyu upate kumlindia na kumneka wusimi. Wamaiza wako wichacha wikikulomba wughoma, na oho kuchawifasha-fasha.

1 JOHANE 3:8

Mundu ubonyagha kaung'a ni wa Ibilisi, angu Ibilisi wadabonya kaung'a kufuma kuzoya. Kwa wundu ugho, Mwana wa Mlungu orewonekieghe worinyi, upate kurinona kazi ra Ibilisi.