LUKA 1:65 - Biblia Ilagho Jiboie Kwa Wandu Wose

⁶⁵ Wambao wose wikangilwa ni wowa. Na malagho ghikaereshwa andu kose chughongonyi ra Judea;

LUKA 1:65 ပူးပေါင်းရင်းမြစ်များ

MATHAYO 2:1

Jesu orevaloghe Bethlehemu isanga ja Judea, iji Herode orekoghe mzuri. Ngelo vui nyuma ya kuvalwa kwake, wamanyi wa nyerinyeri wikacha Jerusalemu kufuma chia ra mashariki;

LUKA 1:39

Nyuma ya matuku ghaja, Maria ukawuka na kughenda shwa-shwa cha muzi ghumu ghwa mighondinyi ya isanga ja Judea.

LUKA 2:18

Na wose weresikireghe wikashinika kwa agho wereghoreloghe ni walisha.

LUKA 5:26

Na wose wikashinika wikamkasa Mlungu wikiobua na kughamba, “Idime, dawona maza ra mashiniko.”

LUKA 7:16

Wikangilwa ni wowa wose wikamkasa Mlungu wikighamba, “Mlodi m'baa wawuka aghadi kodu!” sena “Mlungu wawivikia wandu wake.”

MABONYO GHA WADUMI 19:17

Ilagho iji jikamanyika kwa wandu wose werekoghe Efeso, Wayahudi na Wagriki, nawo wose wikangilwa ni wowa; na irina ja Bwana Jesu jikakaswa.

MABONYO GHA WADUMI 2:43

Alama na mashiniko rerekoghe rikibonywa ni wadumi, na wandu wose wikangilwa ni wowa.

MABONYO GHA WADUMI 5:11

Ikanisa jose, na wose weresikireghe ilagho ijo, wikangilwa ni wowa m'baa.

MABONYO GHA WADUMI 5:5

Nao iji Anania wasikira malagho agho, ukaghwa andonyi ukafwa; na wandu wose weresikireghe ilagho ijo, wikangilwa ni wowa m'baa.

JOSHUA 10:40

Joshua ukakaba isanga jose na kusima. Ukawisima wazuri wa masanga gha mighondinyi, wurindi ghuko chia ya mashariki, na mighondi mitini chia ya magharibi, chiaimweri na masanga gha kireti chia ya kusinyi. Nderesighieghe mndungi ela ukabwagha kula mundu. Huwo niko koni BWANA Mlungu wa Israeli orelaghirieghe.

JOSHUA 10:6

Nao wandu wa Gibeoni wikaduma momu kwa Joshua uko Gilgali wikighamba, “Kusakedisighia isi wadumiki wako, choo shwa-shwa kuditesie, kudikire, kwa kukaia wazuri wa Waamori wikaiagha isanga ja mighondinyi wadikwanyikia.”

WUFUNUO 11:11

Ela nyuma ya agho matuku adadu na nusu, miruke ya irangi kufuma kwa Mlungu ikawingia awo walodi, nawo wikawuka kimusi kwa maghu ghawo, na wowa m'baa ghukawingia awo werewiwonieghe.