LUKA 1:51 - Biblia Ilagho Jiboie Kwa Wandu Wose

⁵¹ Waghughorua mkonu ghwake ghwa ndighi, wawisaghisa wang'eti kwa maririkanyo gha ngolo rawo.

LUKA 1:51 ပူးပေါင်းရင်းမြစ်များ

KUZOYA 11:8

Niko BWANA ukawisaghisa ndoenyi kose kufuma aja, nawo wikasigha kuagha ugho muzi.

KUZOYA 6:5

Nao BWANA ukaghuwona wuwiwi ghwa mdamu sa iji ghwakaia m'baa ndoenyi, na kula ighesho ja ngolonyi kwake ni wuwiwi mduu matuku ghose.

KUZOYA 8:21

Hata iji BWANA wasikira irumba jiboie ja icho kizongona, ukaghamba ngolonyi kwake, “Sichaaiwasira ndoe njowe sena kwa wundu ghwa mdamu, kwa kukaia maririkanyo gha ngolo ya mdamu kari kose ni mawiwi kufuma wanake ghwake, hata sichaachitotesha icho chose chiko moyo sena sa iji nabonya.

ZABURI 118:15

Sikirenyi chumbo ra wusimi ra kuboilwa hemenyi kwa wahachi: “Ndighi ra BWANA rabonya wusimi;

ZABURI 33:10

BWANA wadarinona njama ra mbari ra wandu, na kuivurugha mipango yawo.

ZABURI 52:9

Nichakufunyira chawucha matuku ghose, kwa wundu ghwa agho kubonyere ee Mlungu. Nichajighora irina jako icha imbiri ya wandu wako.

ZABURI 63:5

Irangi japo jichakatwa sa mundu waja vindo vinorie, nani nichakukasa kwa chumbo ra kuboilwa.

ZABURI 89:10

Koreifashireghe ija nyamandu mbaa Rahabu, kukaibwagha; korewisimieghe wamaiza wako, kwa ndighi rako mbaa.

ZABURI 89:13

Oho koko na kudima, mkonu ghwako ghwawadie ndighi, ugho mkonu ghwako ghwa kiwomi ghukumikie.

ZABURI 98:1

M'borienyi BWANA lumbo luwishi, angu wabonya maza ra mashiniko. Wasima kwa wudimi ghwake na kwa ndighi rake ra wueli.

KUFUMA 18:11

Idana namanya angu BWANA ni m'baa kuchumba milungu yose, angu orekirieghe wandu kufuma mikonunyi kwa Wamisri, iji werekoghe wikiwikoronga.”

ISAYA 40:10

Wonenyi Bwana MLUNGU uacha kubonya nguma kwa ndighi, na mafungu ghake waghiwadie kwa wundu ghwa wandu wake.

ISAYA 51:9

Wuka! Wuka na ndighi rako kudikire ee BWANA, wuka karakara na matuku gha kala, karakara na vivalwa va kokala uko. Welee, si oho kumoni koremdumbueghe Rahabu viluponge viluponge, kukaidunga na lufu ija choka mbaa eobosha ya baharinyi?

ISAYA 52:10

BWANA wawonyera ndighi rake ra wueli worinyi, mesonyi kwa mbari rose ra wandu; na kutua kwa ndoenyi kose, kuchawona kukia kwa Mlungu odu.

ISAYA 63:12

Uo kwa wubaa ghwake oremmbwadieghe Musa mkonu ghwa kiwomi, ukawagha machi na kumuisa; eri upate kuwika irina jake kwa kala na kala;

JEREMIA 49:15

Angu zighana BWANA uchakubonya kukaie mtini aghadi ya iro mbari, kumenyero aghadi yawo.

DANIELI 4:37

Idana ini Nebukadnezari, nadamkasa, na kumkuma, na kumneka ishima Mzuri wa mlungunyi; angu kazi rake rose ni ra loli, na chia rake ni ra hachi. Wandu wose wighendagha kwa kukukasa, oko na ndighi ra kuwisera.”

WAROMA 1:21

kwa kukaia hata ngera weremmanyireghe Mlungu, ndeweremnekieghe ishima sa Mlungu, hata kumfunyira chawucha anduangi; ela werekoghe na maririkanyo gha duu, na akili rawo ra wukelu rikachulwa nikira.

2 WAKORINTHO 10:5

Isi davuchua kula kindo chikujosagha cheni na kubonya nganyi aighu ya kumanya kwa Mlungu, na kujidwa wunyika kula ighesho, jipate kumsikira Kristo.

WUKUMBUSO 4:34

Angu ghoko mlungu ghungi jingi ghutimie kughenda na kuwusa wandu kufuma kwa mbari imu wikaie kwa chia ya matimo, na weke mwakilimbiti, na mashiniko, na kwa wuda, na kwa mkonu ghwa wusimi ghuwadie ndighi, na maza reobosha karakara na seji BWANA Mlungu onyu orebonyereghe Misri kwa wundu ghonyu mkiwona?

1 PETRO 5:5

Wokoni na inyo muko watini mkuwike aisi ya waghosi. Inyo mmbose mkaie na wumboa kula mundu na mmbao; angu, “Mlungu wawitangala wang'eti, ela wawineka mvono awo wiko na wumboa.”

WUFUNUO 18:8

kwa huwo makabo ghake ghichacha kwa ituku jimweri; wukongo, wasi, na njala. Nao uchakorwa na modo, angu uo Bwana Mlungu umtanyagha, wawadie ndighi nyingi.”