LUKA 1:49 - Biblia Ilagho Jiboie Kwa Wandu Wose

⁴⁹ Angu Uo-Uwadie-Ndighi wanibonyera maza mbaa, na irina jake jaelie.

LUKA 1:49 ပူးပေါင်းရင်းမြစ်များ

KUZOYA 17:1

Nao iji Abramu wavika miaka mirongo ikenda na ikenda, BWANA ukamfutukia ukamzera, “Ini ne Mlungu-Uwadie-Ndighi-Rose; ninughe kukaia kukatie.

ZABURI 111:9

Wawiredie wandu wake wukomboli, ukabonya ilaghano ja kala na kala nawo. Uo ni Mweli uwadie ndighi.

ZABURI 24:8

Uo Mzuri wa wubaa nani? Ni BWANA uwadie ndighi na kudima; BWANA ing'oni ja wuda.

ZABURI 99:3

Ndewijikase irina jake ibaa jeobosha. Uo ni Mweli.

ZABURI 99:9

Mkumenyi BWANA Mlungu odu, mumtase aighu ya mghondi ghwake ghwa wueli; angu BWANA Mlungu odu ni Mweli.

KUFUMA 15:11

“Nani uko sa oho ee BWANA aghadi ya milungu? Nani uko sa oho kwa wubaa andenyi ya wueli? Mabonyo ghako gha wubaa ghiaobosha, ghiko gha mashiniko?

ISAYA 1:24

Kwa huwo BWANA, uo BWANA wa majeshi, Uo-Uwadie-Ndighi wa Israeli waghamba: “Aa! Nichawonyera machu ghapo aighu yenyu inyo wamaiza wapo, na kulipa kisasi aighu yenyu inyo watangali wapo.

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

ISAYA 6:3

Wikawangana weni na weni wikighamba, “Mweli, mweli, mweli, ni BWANA wa majeshi, ndoenyi kose kwachua wubaa ghwake.”

ISAYA 63:1

Nani uhu ufumagha Bosra muzi ghwa Edomu uko na nguwo ritinikie righokie ra wubaa, sena uwadiagha kwa wubaa ghwa ndighi rake? “Ni ini BWANA niereshagha hachi yapo, niko na ndighi rekira.”

JEREMIA 10:6

Ndekuwadie ungi uko sa oho ee BWANA, oho koko m'baa, na irina jako ni ibaa sena jiwadie ndighi.

JEREMIA 20:11

Ela BWANA oko luwaru lwapo, ing'oni jiwadie ndighi; kwa huwo watiriri wapo wichakuwa, ndewichaanisima anduangi. Wichafwa waya na ndighi, angu wisechaadima ilagho jingi; kusowekelwa ni ishima kwawo kwa kala na kala ndekuchaaliwika jingi.

MARKO 5:13

Nao ukarirumiria. Na pepo ra makakala rikafuma na kuringia nguwe; naro rose, sa elfu iwi huwu, rikashorodoka nokoisi, rikangia ndiwenyi na rose rikafwa.

LUKA 1:48

angu wanitala ini mzumba wake usefwane. Angu zighana kufuma idana vivalwa vose vichaniwanga mrasimilwa.

LUKA 1:50

Wughoma ghwake ghwadakaia hata vivalwa na vivalwa, kwa awo wimuobuagha.

WAEFESO 3:20

Idana kwa Mlungu uo udimagha kubonya maza mbaa andenyi kodu kuchumba iro dimlombagha angu kuririkanya,

WUFUNUO 15:4

Nani useobuagha na kujikasa irina jako, ee Bwana? Angu oho kuekeri koko mweli. Wandu wa mbari rose wichacha na kukutasa oho, angu kutanya kwako kwamerie kufunukulwa.”

WUFUNUO 4:8

Iro nyamandu riko moyo inya, riko na mawawa arandadu kula imu, rachue meso chia rose, hata na nandenyi; naro radabora kari kose kio na dime rikighamba, “Mweli, Mweli, Mweli, ni uo Bwana Mlungu Uwadie-Ndighi-Rose; uo orekoghe, uo uko, nao nuo uchagha.”

1 SAMUELI 2:2

“Ndekuwadie mweli ungi uko sa BWANA, hata ndekuwadie ungi okatanishwa nao; ndekuwadie mlindiri ungi sa Mlungu odu.