LUKA 1:46 - Biblia Ilagho Jiboie Kwa Wandu Wose

⁴⁶ Nao Maria ukaghamba, “Irangi japo jamkasa Bwana,

LUKA 1:46 ပူးပေါင်းရင်းမြစ်များ

ZABURI 35:9

Niko nichaboilwa andenyi ya BWANA, ngizuma andenyi ya kukia kwake.

ISAYA 45:25

Wandu wose wa kivalwa cha Israeli wiko andenyi yapo ini BWANA, wichasima na kupata wubaa.”

ISAYA 61:10

Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

WAROMA 5:11

Hata si ijo jeni jiekeri anduangi, ela daboilwa andenyi ya Mlungu wori kwa chia ya Bwana odu Jesu Kristo uo udipatanishire na Mlungu.

1 WAKORINTHO 1:31

Kwa huwo, sa iji koni iandikilo, “Uo ukukasagha, ndekukase na Bwana.”

2 WAKORINTHO 2:14

Ela chawucha kwa Mlungu, uo udighenjagha kari kose dikisima andenyi ya Kristo; na kueresha irumba icha ja kummanya uo kula andu, kwa kuditumia isi.

WAFILIPI 3:3

Angu isi de wakushamishwa wa loli, wandu dimtasagha Mlungu kwa Roho, na kukukasa andenyi ya Kristo Jesu, hata ndediwueritala maza ra mumbi anduangi;

WAFILIPI 4:4

Boilonyi andenyi ya Bwana matuku ghose; naghamba sena, Boilonyi.

1 WATHESALONIKE 5:23

Uo Mlungu moni wa sere, ndemueleshe inyo putu; roho renyu, na nia renyu, na mimbi yenyu; ikilindilwa nicha kuseko na ikosa jingi hata ngelo ya kucha kwake Bwana odu Jesu Kristo.

1 PETRO 1:8

Inyo mwamkunde, hata ngera ndemumbonie; nenyo hata ngera ndemuwuemmbona idana, mwamrumiria kwa kuboilwa kubaa kuseghorekagha.