LUKA 1:22 - Biblia Ilagho Jiboie Kwa Wandu Wose

²² Hata iji wafuma nderedimieghe kudedanya nawo anduangi, nawo wikatambua angu wawona mawono Hekalunyi, ukakaia ukiwikunyiria, na kukaia kituri.

LUKA 1:22 ပူးပေါင်းရင်းမြစ်များ

EZEKIELI 3:26

Nani nichabonya lumi lwako lukakadiane na lwasasa, na oho kuchawuya kituri kusedimagha kuwionya wandu; angu awo ni wandu welegha.

LUKA 1:21

Wandu werekoghe wikimmbesera Zakaria wikashinika angu oremukieghe luma Hekalunyi.

LUKA 1:23

Nao ngelo ya wudumiki ghwake iendasia, ukaghala cha nyumbenyi kwake.

LUKA 1:62

Wikamkunyiria ndee wikikunda kumanya uwangwa wada.

JOHANE 13:24

Nao Petro ukamkunyiria umkotie Bwana ngera uo umghoragha nani.

MABONYO GHA WADUMI 12:17

Ela uo ukawikunyiria kwa mkonu winyame kima, ukawighoria seji Bwana oremfunyireghe kifungonyi. Ukaghamba, “Mghorienyi Jakobo, na wanidu.” Ukafuma aho, ukaghenda andu kuzima.

MABONYO GHA WADUMI 19:33

Wamu wikawona wei Alekizanda nuo uko na ilagho angu Wayahudi weremmbikieghe na imbiri. Nao Alekizanda ukawikunyiria mkonu ukikunda kukudederia.

MABONYO GHA WADUMI 21:40

Uendamrumiria, Paulo ukakaia kimusi viluwatironyi, ukawikunyiria wandu kwa mikonu yake, nawo iji wanyama kima, ukaghora nawo kwa kiteto cha Kiebrania ukighamba;