LUKA 1:17 - Biblia Ilagho Jiboie Kwa Wandu Wose

¹⁷ Uchaghenda imbiri kwake kwa roho nandighi ra Elija upate kurighalusa ngolo ra weke ndee, riwighalukie wana wawo. Na awo wisesikiragha wiinughe hikima ya wahachi, na kuwika wandu tayari kwa wundu ghwa Bwana.”

LUKA 1:17 ပူးပေါင်းရင်းမြစ်များ

1 WAZURI 17:1

Mlodi uwangwaghwa Elija wa isanga ja Tishbi jiko Gileadi ukamzera Ahabu, “Kwa irina ja BWANA Mlungu wa Israeli ukaiagha moyo, uo Mlungu nimdumikiagha, vua ndeichaanya ndoenyi hata mami ghangi kuwoneka isaakaia kwa ilagho nichaajighora.”

1 WAZURI 18:18

Elija ukatumbulia, “Si ini ungi nawuyasumbua Israeli, ela ni oho na nyumba ya ndeyo mwawuyasumbua Israeli kwa kuisigha memu ya BWANA na kutasa mlimu ghwa Baali.

1 WAZURI 21:20

Ahabu uendammbona Elija ukamzera, “Kwaniwada nga m'maiza wapo?” Elija ukatumbulia, “Ee, nakuwada; oho kwamerie kukufunya kubonya mawiwi imbiri ya BWANA.

2 WAZURI 1:16

ukamzera, “BWANA waghamba huwu, ‘Kwa kukaia kwadumie wandu kukotia malagho kwa Baalzebubu, ugho mlungu ghwa Ekroni, sa kwamba Mlungu ndeko Israeli, kwa wundu ugho, ndekuchaaboa, ela kwa loli kuchafwa.’”

1 MALAGHO GHA NGELO 29:18

Ee BWANA Mlungu wa weke aba Abrahamu, Isaaka, na Israeli, kuwibonye wandu wako wikaie na mpango, na maghesho agho gheni ngolonyi kwawo, kuwineke ngolo ekusuwiria oho.

2 MALAGHO GHA NGELO 29:36

Hezekia chiaimweri na wandu wose wikaboilwa kwa wundu ghwa agho Mlungu orekoghe wawibonyera; angu maza iro rerebonyekieghe shwa wori.

ZABURI 10:17

Kuchasikira malombi gha wandu wikuserie ee BWANA; kuchawikumba ngolo, na kuwideghia kudu kwako,

ZABURI 111:10

Kuobua kwa BWANA niko kuzoya kwa hikima, wadawineka kutambukilwa wose wisikiragha memu yake. Ndekaso kwa kala na kala.

ZABURI 78:8

Ndewichaaghilika na kulegha sa weke wawae, awo wiserekoghe na irumirio jimange kwa Mlungu hata kukaia mloli kwake.

ISAYA 29:24

Awo wikosagha rohonyi, wichapata kumanya, na awo wichulo ni mazughunuko, wicharumiria mafundisho.”

AMOSI 4:12

“Kwa wundu ugho nichamkaba ee wandu wa Israeli. Idana kwa kukaia nichabonya huwo, kuboisenyi mkwane na kutanya kwapo.”

MATHAYO 11:14

Ngera mwakunda kughirumiria, ola uo nuo Elija uchagha.

MATHAYO 14:4

Angu Johane oremzerieghe Herode, “Kwadarighidwa oho kukaia na uo muka.”

MATHAYO 3:3

Johane nuo mlodi Isaya oreghorieghe malagho ghake ukighamba, “Lwaka lwa mndumu lwasikirika kireti, ‘Boisenyi chia ya Bwana, ghoruonyi mivori yake.’”

MATHAYO 3:4

Johane orerwaeghe nguwo ibonyero kwa mafuri gha ngamila, ukakufunga mkowa ghwa mrongo kiwonunyi kwake. Vindo vake verekoghe zighe na wuki ghwa kireti.

LUKA 1:16

nao uchawighalusa wengi wa wana wa Israeli, wimghalukie Bwana Mlungu wawo.

LUKA 1:76

Na oho, mwanwapo, kuchawangwa mlodi wa Uo-Uko-Aighu-Nandighi, angu kuchamkiria Bwana kum'boisira chia yake;

JOHANE 1:13

Awo werewurieghe wana wa Mlungu, si kwa ndighi ra kidamu, angu kwa ndighi ra mumbi, hata kwa lukundo lwa mdamu anduangi, ela kwa Mlungu.

JOHANE 1:34

Nani nawonie, niko nashuhudia angu uhu ni Mwana wa Mlungu.”

JOHANE 3:28

Inyo mmbeni moko washahidi sa iji nereghambieghe, ‘Ini suo ungi Kristo, ela ini needumwa nikirie imbiri kwake.’

MABONYO GHA WADUMI 10:33

Niko ngakudumiria shwa wori, na oho kwabonya nicha kucha. Kwa huwu idana deko aha diwose imbiri ya Mlungu, disikire malagho ghose kwaghorelwa ni Bwana.”

WAROMA 9:23

Na wokoni orekundeghe kuwonyera wungi ghwa wubaa ghwake, ugho ghorediriloghe aighu yedu isi derewikiloghe kwa wundu ghwa wughoma ghwake; wandu dibonyero tayari kufuma koimbiri, kughuwusa wubaa ghwake.

WAKOLOSAI 1:12

Mkimfunyira Aba chawucha, uo umdimishire kukaia wandu wifwane kukaia wangara wa ijo ifwa ja waeli, andenyi ya ugho mwengere.

2 TIMOTHEO 2:21

Ngera mndungi wakuelesha moni na iro maza mbiwi, uchakaia chombo cha ishima, chiwikilo wakfu, chimfwanagha mundu wa nyumba, kwa wundu ghwa kula kazi ndicha.

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.

1 JOHANE 2:28

Na idana wanake watini, kaienyi andenyi ya Kristo; eri iji wawoneka, dikaie na wuwana, hata disakewuya nanyuma kwa waya ngelo ya kucha kwake.

WUFUNUO 20:4

Niko ngawona vifumbi va nguma, na awo wereviserieghe, ni awo werenekeloghe nguma retanya. Na wokoni nerewonieghe roho ra wandu weredumbuloghe vongo kwa wundu ghwa kumshuhudia Jesu, na kwa wundu ghwa ilagho ja Mlungu, awo wisereitasireghe iyo nyamandu hata mlimu ghwake; hata ndewerebonyeroghe alama ingi yake chamunyi kwawo, angu mikonunyi kwawo anduangi. Wikakaia moyo, na kubonya nguma andwamweri na Kristo miaka elfu.

1 SAMUELI 7:5

Nao Samueli ukaghamba, “Kwanyenyi Waisraeli wose aho Mispa, nani nichawilombia kwa BWANA.”