KUZOYA 21:9 - Biblia Ilagho Jiboie Kwa Wandu Wose

⁹ Nao Sara ukammbona mwana wa Hagari uja Mmisri oremvaieghe Abrahamu ukisarigha na mwana wake Isaaka.

KUZOYA 21:9 ပူးပေါင်းရင်းမြစ်များ

KUZOYA 16:1

Sarai, mka Abramu, nderemvaieghe Abramu wana. Ela orekoghe na mwai m'bonyi kazi Mmisri orewangwagha Hagari.

KUZOYA 16:15

Hagari ukamvaia Abramu mwana wa womi, na Abramu ukammbanga irina jake Ishmaeli.

KUZOYA 17:20

Na kwa wundu ghwa Ishmaeli wori nakusikira, nao moni wori nichamrasimia uve kwa wungi na kuchurikia, nao uchakaia ndee wa wazuri ikumi na wawi, na kivalwa chake nichachibonya chikaie mbari mbaa.

KUZOYA 21:8

Mwana ukazoghua hata ituku jesighishwa mariwa, Abrahamu ukabonya karamu mbaa.

2 MALAGHO GHA NGELO 30:10

Wadumwa wikaghenda muzi kwa muzi isanga jose ja Efraimu na Manase na Zebluni; ela wandu wikadawiseka na kuwidema sare.

2 MALAGHO GHA NGELO 36:16

Ela wikakaia wikiwiseka wadumwa wa Mlungu kwa lumenyo, wikamenya malagho ghake na walodi wake; hata BWANA ukajokwa ni machu nandighi aighu ya wandu wake, na wutesia ghungi ghukasoweka.

AYUBU 30:1

“Wandu wiko wana kwapo, waawuyanisarighia. Weke ndee ndewerefwaneghe hata kuwiwikanya na koshi relindia ng'ondi rapo.

ZABURI 22:6

Ela ini ne mng'ori, se mdamu ungi anduangi; niasekwa na kumenywa ni wandu.

ZABURI 42:10

Wamaiza wapo wanidukana na kunivavira sa kunibara maindi, wikinikotia ngelo rose, “Mlungu wako oko hao?”

MAKATANISHO 20:11

Hata mwana moni wadamanyika kwa mabonyo ghake seji ubonyagha ngera ghaboie na ni gha hachi.

MAKATANISHO 22:10

Mwinje mdemi sare, na nganyi richasia, marashano na madukano ndeghichaakaia.

KILILO CHA JEREMIA 1:7

Wandu wa Jerusalemu wakumbuka kuboa kwa muzi ghwawo kwa kala ngelo wiko matirironyi. Ngelo werewadiloghe ni wamaiza, ndekorekoghe na mndungi owitesia. Wandu wiwisimie wikaseka kwa kughwa kwawo.

WAGALATIA 4:22

Nechi yaandikilo, Abrahamu orekoghe na wana wawi wa womi; umu orevaloghe ni muka mzumba, na umu orevaloghe ni muka mkitina.

WAGALATIA 4:29

na sa iji koni uja mwana orevaloghe sa wana wose oremkorongieghe uo orevaloghe kwa Roho ngelo rija, hata idana ni huwo koni.

WAEBRANIA 11:36

Wazima weresekeloghe na kukabwa na viboko, hata kufungwa na minyororo, na kungirwa kifungonyi.