KUZOYA 17:11 - Biblia Ilagho Jiboie Kwa Wandu Wose

¹¹ Wandu wose wa womi konyu wichashamishwa, nayo ichakaia alama ya ilaghano japo aghadi yapo na inyo.

KUZOYA 17:11 ပူးပေါင်းရင်းမြစ်များ

WAROMA 4:11

Orepatireghe kushamishwa kukaia sa alama angu muhuri ghwa ija hachi oreitaliloghe kwa chia ya irumirio, iji orekoghe useshamishiro. Makusudi gharo ni kum'bonya Abrahamu ukaie ndee wa wose wirumiriagha wiseshamishiro; nawo wipate kutalwa kukaia na hachi.

MABONYO GHA WADUMI 7:8

Nao ukamneka Abrahamu momu ghwa kushamisha kukaia alama ya ilaghano. Niko Abrahamu ukamva Isaaka, ukamshamisha ituku ja wunyanya; Isaaka ukamva Jakobo, Jakobo ukawiva weke wawa ikumi na wawi.

WUKUMBUSO 10:16

Kwa huwo, kufuma idana, m'bonyo wawishi ngolonyi konyu, mseduo mghilikie.

2 SAMUELI 3:14

Nao Daudi ukaduma wandu kwa Ishboshethi mwana wa Sauli kughamba, “Nineke muka wapo Mikali, uo neremchumbieghe kwa ighuri ja mavunyu ighana jimweri gha Wafilisti.”

JOSHUA 5:3

Joshua ukabonya sa iji koni BWANA oremlaghirieghe; ukawishamisha wandu wa Israeli andu kuwangwagha Gibeath-laarolothi.

KUFUMA 12:48

Mndungi useshamishiro usakeja Pasaka; ela ngera mghenyi ungi mkwanye wakunda kubonya Pasaka kwa BWANA, wandu wake wa womi wose suti wishamisho, niko uchaadima kusoghoda na kubonya Pasaka; nao uchatalwa karakara na muisanga.

KUFUMA 4:25

Niko Sipora ukashoa igho jikalie, ukamshamisha mwana wake na kukumba mrongo ghwaro maghunyi kwa Musa ukighamba, “Kwa loli ko Bwana arusi wa bagha kwapo.”

KUZOYA 9:12

Mlungu ukaghamba, “Ihi niyo alama ya ilaghano nijibonyagha aghadi ya ini na inyo, andwamweri na icho chose chiko moyo, na vivalwa vose vichaanugha nyuma.