KUZOYA 16:3 - Biblia Ilagho Jiboie Kwa Wandu Wose

³ Niko aho nyuma ya Abramu kukaia miaka ikumi andenyi ya isanga ja Kanaani, Sarai oremmbwadieghe mwai wake wa kazi Hagari, ukamneka mumi wake Abramu ukaie muka mzumba wake.

KUZOYA 16:3 ပူးပေါင်းရင်းမြစ်များ

KUZOYA 16:16

Abramu orekoghe mundu wa miaka mirongo wunyanya na irandadu iji Hagari oremvaeghe Ishmaeli.

KUZOYA 16:4

Abramu ukangia kwa Hagari, nao ukapata kifu; na Hagari iji wawona angu wapata kifu, ukamzighana bibi wake Sarai kwa lumenyo.

KUZOYA 16:5

Nao Sarai ukamzera Abramu, “Ni oho kumoni kwashekeria ngamenywa. Nerekunekieghe mwai wapo wa kazi laghenyi kwako, nao wendawona wapata kifu, wakanimenya. BWANA moni ndetanye aghadi ya ini na oho.”

KUZOYA 21:21

Ukakaia kireti cha Parani, na mae ukamlowora muka kufuma isanga ja Misri.

KUZOYA 25:6

na wana orewivaeghe kwa waka wazima ukawineka manosi, na sena imbiri ya kufwa kwake ukawitanya na mwana wake Isaaka, ukawighenja noko chia ra isanga ja mashariki.

KUZOYA 28:9

Aho Esau ukaghenda kwa Ishmaeli mwana wa Abrahamu, ukammbusa muka umu kufuma aja, mwai wa Ishmaeli uwangwaghwa Mahalathi, nao ni mruna Nebaiothi, kuchuria waja waka orewilowueghe.

KUZOYA 30:4

Ukamneka uo mwai wake wa kazi Bilha ukaie sa mkake, na Jakobo ukammbusa.

KUZOYA 30:9

Nao iji Lea wawona angu waleka kuva, ukamfunya Zilpa mwai wake wa kazi ukamneka Jakobo ukanye nao.

KUZOYA 32:22

Nao chija kio cheni, Jakobo ukawuka, ukawidwa waka wake wawi, waja wai wa kazi na wana wake ikumi na umweri, ukawiruwusa kiruwuko cha Jaboki.

KUZOYA 35:22

Nao iji Israeli orekoghe ukikaia jija isanga, Reubeni ukaghenda na kulala na Bilha, muka mzumba wa ndee, na Israeli ukajisikira ilagho ijo.

2 SAMUELI 5:13

Nyuma ya Daudi kusea Jerusalemu kufuma Hebroni, ukalowua waka wekanya na waka wengi aho; ukavailwa wana wengi wa waka na wa womi.

1 WAZURI 11:3

Orelowueghe wai wa wazuri maghana mfungade, na waka wekanya maghana adadu. Waka awo wikaghalua ngolo ya Solomoni ukatasa milungu mizima.

WAGALATIA 4:25

Idana Hagari nuo Mghondi ghwa Sinai ghuko Arabu, nao wafwanana na Jerusalemu iko idana; muzi ghuko wuzumbenyi chiaimweri na wana wake.