KUFUMA 9:6 - Biblia Ilagho Jiboie Kwa Wandu Wose

⁶ Nakesho yaro, BWANA ukabonya ijo ilagho; na mfugho rose ra Wamisri rikafwa; ela mfugho ra wandu wa Israeli ndererefueghe hata imweri anduangi.

KUFUMA 9:6 ပူးပေါင်းရင်းမြစ်များ

ZABURI 78:48

Ng'ombe rawo rerebwaghiloghe ni vua ya magho, na ng'ondi rawo rikabwaghwa ni lukuwa.

ZABURI 78:50

Ndereghimazireghe machu ghake, hata kulegha wisefo, ela ukawisigha wibwagho ni saka ya ngawawi.

KUFUMA 12:12

Angu nichaida aghadi ya isanga ja Misri kio icho, na kuwibwagha wavalwa wa imbiri wose wa isanga ja Misri; mdamu na nyamandu wori; nichaitanya milungu yose ya Misri, Ini ne BWANA.

KUFUMA 12:29

Nao kio ghadi, BWANA ukawibwagha wavalwa wa imbiri wose wa isanga ja Misri, kufuma mvalwa wa imbiri wa Farao, uo oseria kifumbi chake cha nguma, hata mvalwa wa imbiri wa mfungwa uko kifungonyi, chiaimweri na wavalwa wa imbiri wa mfugho wokoni werefueghe.

KUFUMA 8:22

Ela ituku ijo, nichajilindia isanga ja Gosheni, andu wandu wapo wikaiagha, na izi ringi nderichaakaia aho anduangi; kupate kumanya angu Ini ne BWANA ndoenyi.

KUFUMA 9:25

Iyo vua ya magho ikanona kula kilambo cherekoghe shighadi isanga jose ja Misri; mdamu, nyamandu, na miwalwa yose ya mbuwenyi ikanonwa, na kula mudi ghwa mbuwenyi ghukachukanywa ni iyo vua ya magho.

KUFUMA 9:26

Isanga ja Gosheni jiekeri, andu Waisraeli werekoghe, niko iyo vua ya magho iserekoghe.

KUFUMA 9:4

Ela BWANA uchawonyera mwano aghadi ya mfugho ra Waisraeli na mfugho ra Wamisri. Ndekuchaakaia na nyamandu ingi ya wandu wa Israeli ichaafwa anduangi.’”

KUFUMA 9:5

BWANA ukawika ngelo yaro ukighamba, “Kesho nichajibonya ilagho ijo isangenyi.”