KUFUMA 8:8 - Biblia Ilagho Jiboie Kwa Wandu Wose

⁸ Nao Farao ukawiwanga Musa na Haruni ukawizera, “Mvoenyi BWANA uviinje ivi vichula vifume kwapo na kwa wandu wapo; nani nichawineka wandu wako rusa, wiendemfunyira BWANA vizongona.”

KUFUMA 8:8 ပူးပေါင်းရင်းမြစ်များ

1 WAZURI 13:6

Mzuri Jeroboamu ukamzera mlodi, “Tafadhali nilombie kwa BWANA Mlungu wako, kumvoye mkonu ghwapo ghupate kuboa.” Mlodi wa Mlungu ukamlomba BWANA, na mkonu ghwa mzuri ghukaboa na kuwuya sa iji koni ghorekoghe.

ZABURI 66:3

Ghambenyi kwa Mlungu, “Mabonyo ghako ni gha mashiniko saki! Ndighi rako ni mbaa hata wamaiza wako wiakughoghomia.

KUFUMA 10:16

Niko Farao ukawiwanga Musa na Haruni kwa shwa-shwa ukawizera, “Nabonya kaung'a kwa BWANA Mlungu onyu na konyu wori.

KUFUMA 10:17

Namlomba munifue wughoma kaung'a yapo indo iji jeni jimweri tu, munilombie kwa BWANA Mlungu onyu, uniinjire iji ikabo jizamie.”

KUFUMA 10:18

Nao Musa ukafuma kwa Farao, ukamlomba BWANA.

KUFUMA 14:5

Hata iji mzuri wa Misri waghorelwa angu awo wandu wameria kughenda, Farao na wadumiki wake wikaghalusa maghesho aighu ya Waisraeli na kughamba, “Dabonya wada huwu? Dawilekeria Waisraeli wighende wisedidumikie!”

KUFUMA 32:11

Ela Musa ukamvoya BWANA Mlungu wake ukighamba, “Ee BWANA, kwaki kwakaia na machu ghibirie kwa wandu wako, awo korewifunyireghe isanga ja Misri kwa ndighi mbaa na kudima?

KUFUMA 5:2

Ela Farao ukaghamba, “Uo BWANA nani nidimagha kusikira lwaka lwake na kuwisigha Waisraeli wighende? Ini simwichi uo BWANA, sena sidimagha kuwisigha Waisraeli wighende anduangi.”

KUFUMA 8:15

Ela iji Farao orewonieghe angu maza rakaia baa, ukaikurisha ngolo yake sa iji koni BWANA oreghorieghe; hata nderewisikireghe Musa na Haruni anduangi.

KUFUMA 8:29

Niko Musa ukamzera, “Ola naghenda, nani kesho nichamlomba BWANA uriinje iri izi kufuma kwa Farao, na kwa wadumiki wako, na kwa wandu wako; ela Farao usedikalie sena kwa kulegha kuwisigha awo wandu wighende kumfunyira BWANA kizongona.”

KUFUMA 8:32

Ela hata ngelo ihi, Farao ukaikurisha ngolo yake wokoni, hata nderewisighieghe awo wandu wighende anduangi.

KUFUMA 8:9

Musa ukamzera Farao, “Kwadima kunilaghira ngelo iyo yose kukunde nikulombie, ivo vichula vipate kuinjika kwako, na kwa wadumiki wako, na kwa wandu wako; ela visigharike modenyi ghwa Naili ghuekeri.”

KUFUMA 9:27

Nao Farao ukaduma Musa na Haruni wiwango, ukawizera, “Ngelo ihi nabonya kaung'a, BWANA oko na hachi; ela ini na wandu wapo deko na makosa.

KUFUMA 9:28

Mlombenyi BWANA, angu ulu lukuwa na vua ya magho vakata. Nichamlekeria mghende, hata ndemuchaamuka anduangi.”

KUFUMA 9:33

Niko Musa ukafuma mzinyi kwa Farao, ukamlomba BWANA ukiwusira mikonu yake nokoighu, na ulo lukuwa, vua ya magho, na vua yose ikasigha kunya ndoenyi.

MITALO 21:7

Wandu wikacha kwa Musa na kughamba, “Dabonyere kaung'a angu didedie kiwiwi aighu ya BWANA na aighu kwako wori; dilombie kwa BWANA upate kudiinjira iri choka.” Niko Musa ukawilombia wandu.

MABONYO GHA WADUMI 8:24

Simoni ukatumbulia, “Nilombienyi kwa Bwana eri ilagho jingi ja agha mwaghora jisechenipata.”

1 SAMUELI 12:19

Na awo wandu wikamzera Samueli, “Dilombie kwa BWANA Mlungu wako isi wadumiki wako disechefwa; kwa kukaia dachuria wuwiwi aighu ya kaung'a redu kwa kulomba mzuri.”