KUFUMA 8:6 - Biblia Ilagho Jiboie Kwa Wandu Wose

⁶ Niko Haruni ukaghorua zobo yake aighu ya machi gha Misri, na vichula vikacha, vikafinikira isanga jose ja Misri.

KUFUMA 8:6 ပူးပေါင်းရင်းမြစ်များ

2 SAMUELI 7:22

Kwa huwo koko m'baa ee BWANA Mlungu, hata ndekuwadie Mlungu ungi mzima sa oho, kunughana na agho ghose dighisikire kwa madu ghedu.

2 MALAGHO GHA NGELO 6:14

ukaghamba, “Ee BWANA Mlungu wa Israeli, ndekuwadie Mlungu ungi sa oho, mlungunyi hata ndoenyi; umaziriagha ilaghano, na kuwonyera lukundo lwake lukatie kwa wadumiki wake wose wimnughagha kwa ngolo rawo rose.

ZABURI 105:30

Isanga jawo jikachulwa ni vichula, hata andenyi ya ngome ya mzuri.

ZABURI 78:45

Oredumieghe izungu ja izi aghadi kwawo rikawiluma, na vichula vikawinonia isanga jawo.

ZABURI 86:8

Ndekuwadie mlungu ghungi ghuko sa oho ee BWANA, hata ndekuwadie kazi ringi riko sa rako anduangi.

ZABURI 90:2

Imbiri kuseumbie mighondi angu ndoenyi na wurumwengu, oho korekoghe; sena kuchadua kwa kala na kala.

KUFUMA 10:2

na oho kupate kuwighoria wana wako, na weke wawayo seji nerewikitireghe Wamisri, na awo weke mwakilimbiti nerewibonyereghe aghadi kwawo, mpate kumanya angu Ini ne BWANA.”

KUFUMA 15:11

“Nani uko sa oho ee BWANA aghadi ya milungu? Nani uko sa oho kwa wubaa andenyi ya wueli? Mabonyo ghako gha wubaa ghiaobosha, ghiko gha mashiniko?

KUFUMA 7:19

BWANA ukamzera Musa, “Mzere Haruni uiwade zobo yake, uighoruo aighu ya machi ghose gha Misri; meda yawo, mikua yawo, viriwa vawo, na ndiwa rawo rose ra machi; ghipate kuwuya bagha. Machi ghichawuya bagha isanga jose ja Misri, hata andenyi ya vombo va midi na va magho.”

KUFUMA 9:14

Ngelo ihi nichareda saka kwako koni, kwa wadumiki wako, na wandu wako; kupate kumanya angu ndekuwadie ungi ndoenyi kose uko sa ini anduangi.

KUFUMA 9:29

Musa ukamzera, “Ngameria kufuma mzinyi, nichalomba ngighorua mikonu yapo cha kwa BWANA, na lukuwa luchanyama, na vua ya magho ichasia; kupate kumanya angu ndoenyi ni kwa BWANA.

ISAYA 43:10

“Inyo moko washahidi wapo, mo wadumiki wapo awo nerewisaghueghe. Jingi ndekorekoghe mlungu ghungi ghoreumbiloghe imbiri yapo; hata ndekuchaakaia na ghungi nyuma yapo sena anduangi.

WALAWI 11:12

Nyamandu rose ra machinyi riko moyo risewadie mapezi angu makoko mserije.

WUKUMBUSO 32:31

Wamaiza wawo waichi kukaia milungu yawo cheni ndeiwadie ndighi; ndeiko na ndighi sa Mlungu wa Israeli.

WUKUMBUSO 33:26

Wandu wa Israeli, ndekuwadie mlungu ghungi ghuko sa Mlungu onyu, uidagha mlungunyi kwa wubaa ghwake, uidagha aghadi ya mawingu upate kumvuvua.

WUKUMBUSO 4:35

BWANA odekuwonyera huwo, eri kupate kumanya angu uo nuo Mlungu, na angu ndekuwadie ungi mzima uko sa uo.

WUFUNUO 16:13

Nani ngawona roho idadu ra makakala riko sa vichula rikifuma momunyi kwa iyo choka, na momunyi kwa iyo nyamandu, na momunyi kwa uo mlodi wa tee.