KUFUMA 8:22 - Biblia Ilagho Jiboie Kwa Wandu Wose

²² Ela ituku ijo, nichajilindia isanga ja Gosheni, andu wandu wapo wikaiagha, na izi ringi nderichaakaia aho anduangi; kupate kumanya angu Ini ne BWANA ndoenyi.

KUFUMA 8:22 ပူးပေါင်းရင်းမြစ်များ

KUFUMA 9:4

Ela BWANA uchawonyera mwano aghadi ya mfugho ra Waisraeli na mfugho ra Wamisri. Ndekuchaakaia na nyamandu ingi ya wandu wa Israeli ichaafwa anduangi.’”

MALAKI 3:18

Niko aho mchaamanya kuwitambua awo wiko na hachi na awo wawiwi; aghadi ya uo unidumikiagha, na uo usenidumikiagha.”

KUFUMA 10:23

Wamisri ndeweredimieghe kuwonana weni na weni, hata mndungi nderedimieghe kufuma andu uko kwa matuku adadu. Ela kwa Waisraeli wose korekoghe na mwengere.

EZEKIELI 30:19

Huwo niko nichaatanya, aighu ya Misri, nawo wichamanya kukaia ini ne BWANA.”

KUFUMA 9:6

Nakesho yaro, BWANA ukabonya ijo ilagho; na mfugho rose ra Wamisri rikafwa; ela mfugho ra wandu wa Israeli ndererefueghe hata imweri anduangi.

ZABURI 110:2

BWANA uchaghushabua wuzuri ghwako ghuwadie ndighi kufuma Sioni. Kuchawibonyera wamaiza wako nguma.

KUFUMA 12:13

Bagha niyo ichaakaia alama enyu aighu ya nyumba mchaakaia, hata iji naiwona bagha, nichamuida; na ikabo jingi ndejichaampata jemtotesha ngelo nichaakaia ngijikaba isanga ja Misri.

KUFUMA 9:29

Musa ukamzera, “Ngameria kufuma mzinyi, nichalomba ngighorua mikonu yapo cha kwa BWANA, na lukuwa luchanyama, na vua ya magho ichasia; kupate kumanya angu ndoenyi ni kwa BWANA.

KUFUMA 9:26

Isanga ja Gosheni jiekeri, andu Waisraeli werekoghe, niko iyo vua ya magho iserekoghe.

KUFUMA 8:10

Mzuri ukaghamba, “Munilombie kesho.” Musa ukamzera, “Ndeikaie sa iji koni kwaghamba; eri mpate kumanya angu ndeuko mlungu ungi mzima sa BWANA Mlungu odu anduangi.

KUFUMA 7:17

BWANA waghora huwu, “Mchanimanya kukaia ne BWANA kwa chia ihi, nichaghikaba machi gha moda ghwa Naili kwa zobo ihi iko mkonunyi kwapo, nagho ghichawuya bagha.

ZABURI 74:12

Ela oho Mlungu, ko Mzuri wapo kufuma kala, kuredagha kukia ndoenyi.

KUFUMA 7:5

Niko Wamisri wichamanya angu ini ne BWANA, ngelo nichaaghorua mkonu ghwapo aighu ya Misri, na kuwifunya wandu wa Israeli kufuma kwawo.”

KUFUMA 8:21

Si huwo, ngera kwawighiria wandu wapo wiseghende, nichareda izi nyingi kwako, na kwa wadumiki wako, na kwa wandu wako, na andenyi ya nyumba rako; na nyumba ra Wamisri richachulwa ni izungu ja izi nyingi, hata na andu kose wawuyakaia kimusi.

KUFUMA 8:23

Nichabonya mwano aghadi ya wandu wapo na wandu wako; uo mwakilimbiti uchabonywa kesho.’”

KUFUMA 19:5

Idana ngera mchasikira lwaka lwapo, na kughiwadia malaghiro ghapo, mchakaia wandu wapo weni aghadi ya wandu wose, angu ndoenyi kose ni kwapo;

KUFUMA 20:11

Angu BWANA oreumbieghe mlungunyi na ndoenyi kwa matuku arandadu, bahari na vose viko andenyi yaro; ukahora ituku ja mfungade. Kwa huwo, BWANA ukajirasimia ituku ja mfungade, ukajielesha.

KUZOYA 46:34

kukaia kazi yenyu ni elisha mfugho kufuma wanake ghonyu hata idana, sa iji koni weke ndeyo werebonyagha. Mkaghora huwo niko mchaadima kujikaia iji isanga ja Gosheni.” Kwa kukaia mundu ose uko mlisha wadazamia Wamisri.