KUFUMA 8:16 - Biblia Ilagho Jiboie Kwa Wandu Wose

¹⁶ Niko BWANA ukamzera Musa, “Mzere Haruni ukabe teri ya ndoenyi na zobo yake, eri teri ipate kuwuya sawa isangenyi jose ja Misri.”

KUFUMA 8:16 ပူးပေါင်းရင်းမြစ်များ

ZABURI 105:31

Ukafunya momu, izungu ja izi na sawa rikacha isangenyi jawo jose.

KUFUMA 4:23

nani nakuzera, “Sigha mwana wapo ughende, upate kunidumikia.” Kukalegha kumsigha ughende, ola nicham'bwagha mwana wako wa imbiri.’”

KUFUMA 5:1

Konyuma Musa na Haruni wikaghenda kwa Farao wikamzera, “BWANA, uo Mlungu wa Israeli waghora huwu, ‘Wisighe wandu wapo wighende, eri winibonyere ndima kireti.’”

KUFUMA 8:15

Ela iji Farao orewonieghe angu maza rakaia baa, ukaikurisha ngolo yake sa iji koni BWANA oreghorieghe; hata nderewisikireghe Musa na Haruni anduangi.

KUFUMA 8:17

Wikabonya woruwo, na Haruni ukaikaba teri ya ndoe na zobo yake; sawa rikabuka na kungia kwa wandu na nyamandu isanga jose ja Misri.

KUFUMA 8:18

Waghanga wikatima kureda sawa wokoni kwa wuya ghwa akili rawo, ela wikalemwa; na sawa rikawingia wadamu na nyamandu wori.

KUFUMA 8:5

Nao BWANA ukamzera Musa, “Zera Haruni uwadie zobo yake na kuighorua aighu ya meda, mikua, na ndiwa; vichula vipate kucha na kufinikira isanga ja Misri.”