KUFUMA 7:5 - Biblia Ilagho Jiboie Kwa Wandu Wose

⁵ Niko Wamisri wichamanya angu ini ne BWANA, ngelo nichaaghorua mkonu ghwapo aighu ya Misri, na kuwifunya wandu wa Israeli kufuma kwawo.”

KUFUMA 7:5 ပူးပေါင်းရင်းမြစ်များ

ZABURI 138:7

Hata ngera naidia andenyi ya wasi, kwadanilindia; kwadawitangala wamaiza wapo wiko na machu, na kunikira kwa ndighi rako.

ZABURI 9:16

BWANA wakumanyishire moni kwa kutanya kwake kwa hachi, wawiwi wawadwa ni mabonyo ghawo gheni.

KUFUMA 10:2

na oho kupate kuwighoria wana wako, na weke wawayo seji nerewikitireghe Wamisri, na awo weke mwakilimbiti nerewibonyereghe aghadi kwawo, mpate kumanya angu Ini ne BWANA.”

KUFUMA 10:7

Wadumiki wa Farao wikamzera “Welee, umundu udisumbua huwu hata lii? Sigha awa wandu wiendemdumikia BWANA Mlungu wawo. Kwaduagha kusemanyagha kukaia Misri yazama putu?”

KUFUMA 14:18

Na Wamisri wichamanya angu ini ne BWANA, ngelo nichaakaswa aighu ya Farao, magare ghake, na wajoki farasi wake.”

KUFUMA 14:4

Nani nichaikurisha ngolo ya Farao, nao uchamnugha. Na wusimi ghwapo aighu ya Farao na majeshi ghake ghuchaniredia wubaa; niko Wamisri wichamanya kukaia Ini ne BWANA.” Nao Waisraeli wikabonya sa iji koni wereghoreloghe.

KUFUMA 18:8

Musa ukamghoria mghosi wake kula ilagho BWANA orem'bonyereghe Farao na Wamisri kwa wundu ghwa Waisraeli; sena ukamghoria wasi ghose wereghupatireghe chienyi, na seji BWANA orewikirieghe.

KUFUMA 3:20

Ela nichatumia ndighi rapo kuikaba Misri kwa kubonya maza reobosha. Konyuma uchamsigha mghende.

KUFUMA 6:1

Ela BWANA ukamzera Musa, “Idana kuchawona seji nichaam'bonya Farao; angu nichamlazimisha uwifunye wandu wapo, ee nichamlazimisha uwiwinge wifume isangenyi jake.”

KUFUMA 6:6

Kwa huwu kuwizere wandu wa Israeli, ‘Ini ne BWANA, nani nichamfunya mfume kwa iyo mizigo ya Wamisri, mfume wuzumbenyi ghwawo. Nichamkombua kwa mkonu ghughorokie ghwa ndighi, nani nichawitanya;

KUFUMA 7:17

BWANA waghora huwu, “Mchanimanya kukaia ne BWANA kwa chia ihi, nichaghikaba machi gha moda ghwa Naili kwa zobo ihi iko mkonunyi kwapo, nagho ghichawuya bagha.

KUFUMA 8:10

Mzuri ukaghamba, “Munilombie kesho.” Musa ukamzera, “Ndeikaie sa iji koni kwaghamba; eri mpate kumanya angu ndeuko mlungu ungi mzima sa BWANA Mlungu odu anduangi.

KUFUMA 8:19

Waghanga wikamzera Farao, “Iji ni ibonyo ja Mlungu.” Ela Farao ukaikurisha ngolo yake, sa iji koni BWANA oreghorieghe, hata nderewisikireghe Musa na Haruni anduangi.

KUFUMA 8:22

Ela ituku ijo, nichajilindia isanga ja Gosheni, andu wandu wapo wikaiagha, na izi ringi nderichaakaia aho anduangi; kupate kumanya angu Ini ne BWANA ndoenyi.

EZEKIELI 25:17

Nichalipia ngenga mbaa aighu kwawo na kuwineka adhabu kwa machu mabaa; niko wichaamanya kukaia Ini ne BWANA ngelo nakalipia ngenga aighu kwawo.”

EZEKIELI 28:22

kughambe kukaia ini, Bwana MLUNGU naghamba huwu: Ola nichalwa na oho ee Sidoni, nani nichawonyera wubaa ghwapo aghadi kwako; na wandu wichamanya kukaia ini ne BWANA, iji nichaareda kutanya aighu yako, na kufunukua wueli ghwapo kwako.

EZEKIELI 32:15

Ngelo nichaajibonya isanga ja Misri jisigho iduu, na kuinja kula kilambo chiko andenyi yaro, ngameria kuwikaba wandu wose wikaiagha aho, niko wichaamanya kukaia ini ne BWANA.

EZEKIELI 36:23

Nani nichadederia wueli ghwa irina japo ibaa ijo jilushiro aghadi ya iro mbari ra wandu, nenyo mmbeni mkajilusha aghadi kwawo; na iro mbari richamanya kukaia ini ne BWANA. Ini Bwana MLUNGU naghamba, iji nichaadederia wueli ghwapo imbiri kwawo ngimtumia inyo.

EZEKIELI 39:22

Wandu wa Israeli wichamanya kukaia ini ne BWANA Mlungu wawo kufuma ituku ijo na noko imbiri.

EZEKIELI 39:7

Na irina japo ja wueli nichajimanyisha aghadi ya wandu wapo Israeli; hata sichaasigha irina japo jilusho sena, na iro mbari ra wandu wichamanya kukaia ini ne BWANA, uo Mweli wa Israeli.