KUFUMA 7:19 - Biblia Ilagho Jiboie Kwa Wandu Wose

¹⁹ BWANA ukamzera Musa, “Mzere Haruni uiwade zobo yake, uighoruo aighu ya machi ghose gha Misri; meda yawo, mikua yawo, viriwa vawo, na ndiwa rawo rose ra machi; ghipate kuwuya bagha. Machi ghichawuya bagha isanga jose ja Misri, hata andenyi ya vombo va midi na va magho.”

KUFUMA 7:19 ပူးပေါင်းရင်းမြစ်များ

KUZOYA 1:10

Mlungu ukawanga andu kuomie “Ndoenyi,” na agho machi gheretumbanyikieghe ukaghiwanga, “Bahari.” Mlungu ukawona angu vaboie.

2 WAZURI 4:29

Elisha ukamzera Gehazi, “Rwaa kukumazire, kuwade mzata ghwapo kughende, kukakwana na mndungi kusemroghuo; na mndungi ukakuroghua, kusemdike; nao kukavika, kuwikirie mzata ghwapo wushunyi kwa mwana.”

KUFUMA 10:12

Niko BWANA ukamzera Musa, “Ghorua mkonu ghwako aighu ya isanga ja Misri zighe ripate kucha, na kuja miwalwa yose isangenyi ja Misri. Richaja icho chose cheresigharikieghe ngelo ya vua ya magho.”

KUFUMA 10:21

Niko BWANA ukamzera Musa, “Ghorua mkonu ghwako nokoighu, kira chipate kungia isanga ja Misri, kira kibaa loli-loli.”

KUFUMA 14:16

Wusira mzata ghwako, kughoruo mkonu ghwako aighu ya bahari, machi ghiwaghanyike, na wandu wa Israeli wipate kuida andu kuomie aghadi ya bahari.

KUFUMA 14:21

Niko Musa ukaghughorua mkonu ghwake aighu ya bahari; na BWANA ukaisindika bahari kwa mbeo mbaa ya mashariki kio chee, hata ukaghalusa andu kwa bahari kuwuye ndoe iomie, na machi ghikawaghanyika.

KUFUMA 14:26

Niko BWANA ukamzera Musa, “Ghorua mkonu ghwako aighu ya bahari, machi ghipate kuwuriana aighu ya Wamisri, na aighu ya magare ghawo na wajoki farasi wawo.”

KUFUMA 4:9

Wikalegha kukurumiria hata kwa awa weke mwakilimbiti wawi, angu kukusikira; kudae machi kufuma moda ghwa Naili, nao kughidie andonyi na machi ghichawuya bagha aighu ya ndoe iomie.”

KUFUMA 8:16

Niko BWANA ukamzera Musa, “Mzere Haruni ukabe teri ya ndoenyi na zobo yake, eri teri ipate kuwuya sawa isangenyi jose ja Misri.”

KUFUMA 9:33

Niko Musa ukafuma mzinyi kwa Farao, ukamlomba BWANA ukiwusira mikonu yake nokoighu, na ulo lukuwa, vua ya magho, na vua yose ikasigha kunya ndoenyi.

ISAYA 19:10

Waluki na wandu wa mafungu wichakaia na wasi.

ISAYA 5:25

Kwa wundu ugho, BWANA orejokeloghe ni machu aighu ya wandu wake; ukaghorua mkonu upate kuwikaba, na mighondi ikasughusika; gharia ra awo wifue rikakaia sa wuchafu chienyi. Hata huwo saki machu gha BWANA ndeghisirie, ela mkonu ghwake ghokaba ghoko ghughorokie hata idana.

HABAKUKI 3:8

Wele BWANA, ni meda ikuwusirie machu? Ni bahari ikubonyere kubie? Korejokieghe aighu ya mawingu; iwingu ja kiremba ni igare jako; kukawiredia wandu wako wusimi.