KUFUMA 7:17 - Biblia Ilagho Jiboie Kwa Wandu Wose

¹⁷ BWANA waghora huwu, “Mchanimanya kukaia ne BWANA kwa chia ihi, nichaghikaba machi gha moda ghwa Naili kwa zobo ihi iko mkonunyi kwapo, nagho ghichawuya bagha.

KUFUMA 7:17 ပူးပေါင်းရင်းမြစ်များ

1 WAZURI 20:28

Nao mlodi ukamchea Ahabu mzuri wa Israeli ukamzera, “BWANA waghora huwu, ‘Kwa kukaia Wasiria waghamba wei ini ne mlungu wa mighondi se wa wurindi kungi, nichajingira iji izungu jose mkonunyi kwako, na oho na wandu wako mchamanya kukaia ini ne BWANA.’”

2 WAZURI 19:19

Kwa huwo ee BWANA Mlungu odu, nakuvoya kudikire nao, eri mawuzuri ghose gha ndoenyi ghipate kumanya angu oho ko Mlungu kuekeri ee BWANA.”

ZABURI 105:29

Oreghalusireghe machi ghawo ghikawuya bagha; ukaribwagha samaki rawo.

ZABURI 78:44

Oreghalusireghe meda yawo ikawuya bagha, nawo wikalemwa ni kunywa machi gharo.

ZABURI 83:18

Kuwibonye wimanye kukaia ni oho kuekeri kuwangwagha BWANA; M'bonyi nguma m'baa ndoenyi kose.

ZABURI 9:16

BWANA wakumanyishire moni kwa kutanya kwake kwa hachi, wawiwi wawadwa ni mabonyo ghawo gheni.

KUFUMA 1:22

Mzuri ukawilaghira Wamisri ukighamba, “Kula mwana wa womi uchaavalwa kwa Waebrania, mumkumbe modenyi ghwa Naili, ela kula mwana wa waka mchamsigha ukaie moyo.”

KUFUMA 10:2

na oho kupate kuwighoria wana wako, na weke wawayo seji nerewikitireghe Wamisri, na awo weke mwakilimbiti nerewibonyereghe aghadi kwawo, mpate kumanya angu Ini ne BWANA.”

KUFUMA 4:9

Wikalegha kukurumiria hata kwa awa weke mwakilimbiti wawi, angu kukusikira; kudae machi kufuma moda ghwa Naili, nao kughidie andonyi na machi ghichawuya bagha aighu ya ndoe iomie.”

KUFUMA 5:2

Ela Farao ukaghamba, “Uo BWANA nani nidimagha kusikira lwaka lwake na kuwisigha Waisraeli wighende? Ini simwichi uo BWANA, sena sidimagha kuwisigha Waisraeli wighende anduangi.”

KUFUMA 6:7

nani nichammbusa mkaie wandu wapo, nani nikaie Mlungu onyu; niko mchamanya angu ini ne BWANA, Mlungu onyu; Uo umfunyire mfume kwa wuzumba ghwa Wamisri.

KUFUMA 7:20

Niko Musa na Haruni wikabonya sa iji koni BWANA orewilaghirieghe; Haruni ukawusira zobo yake imbiri ya Farao na wadumiki wake, ukaghikaba machi gha moda ghwa Naili, na machi ghose gha ugho moda ghikawuya bagha.

KUFUMA 7:5

Niko Wamisri wichamanya angu ini ne BWANA, ngelo nichaaghorua mkonu ghwapo aighu ya Misri, na kuwifunya wandu wa Israeli kufuma kwawo.”

EZEKIELI 25:17

Nichalipia ngenga mbaa aighu kwawo na kuwineka adhabu kwa machu mabaa; niko wichaamanya kukaia Ini ne BWANA ngelo nakalipia ngenga aighu kwawo.”

EZEKIELI 29:9

na isanga ja Misri jichasighwa iduu; nawo wichamanya kukaia Ini ne BWANA. “Kwa kukaia kwaghambie wei, ‘Naili ni yapo, ni ini nereibonyereghe,’

EZEKIELI 30:19

Huwo niko nichaatanya, aighu ya Misri, nawo wichamanya kukaia ini ne BWANA.”

EZEKIELI 30:8

Aho wichamanya kukaia Ini ne BWANA ingelo nichaaikora Misri, na wandu wose weremteserieghe.

EZEKIELI 32:15

Ngelo nichaajibonya isanga ja Misri jisigho iduu, na kuinja kula kilambo chiko andenyi yaro, ngameria kuwikaba wandu wose wikaiagha aho, niko wichaamanya kukaia ini ne BWANA.

EZEKIELI 32:6

Nichaidia bagha yako aighu ya mighondi, nayo ichasea ikinugha chia ra machi yachua pacha.

EZEKIELI 38:23

Nani nichawonyera wubaa ghwapo na wueli ghwapo, na kukumanyisha ini moni imbiri ya iro mbari nyingi ra wandu. Niko wichamanya kukaia ini ne BWANA.”

EZEKIELI 39:28

Niko wandu wapo wichamanya kukaia, ini ne BWANA MLUNGU wawo, angu nerewibonyereghe widwalo wunyika kwa iro mbari ra wandu, sena ngawikwanya na kuwiwunja isangenyi kwawo koni; sichaasigha sena hata umweri wawo andenyi ya isanga ja iro mbari ra wandu,

DANIELI 4:17

Kutanya uko kwanughana na sharia idumbulo na kutangazwa ni weke malaika waeli wichereshagha, eri kutua wandu wiko moyo wimanye kukaia Uo-Uko-Aighu-Nandighi wadabonyera mawuzuri ghose gha wadamu nguma, nao wadamneka uo ose umkundagha, na kumjosa uo uko mnyonge.’

DANIELI 4:32

Oho kuchaghenjwa noko kufume kwa wandu, kukaianye na nyamandu ra isakenyi, kuje nyasi sa ng'ombe kwa miaka mfungade, hata kwameria kukufundisha kukaia Uo Uko Aighu Na Ndighi wabonyeragha mawuzuri gha wadamu nguma, na kumneka uo ose ukundagha.”

DANIELI 4:37

Idana ini Nebukadnezari, nadamkasa, na kumkuma, na kumneka ishima Mzuri wa mlungunyi; angu kazi rake rose ni ra loli, na chia rake ni ra hachi. Wandu wose wighendagha kwa kukukasa, oko na ndighi ra kuwisera.”

DANIELI 5:21

Orefunyiroghe kwa wandu, akili rake rikaghaluswa rikawuya ra nyamandu, ukakaianya na furo na kuja nyasi sa ng'ombe; mumbi ghwake ghukakabwa ni mami kwa mishushure ya mlungunyi hata ukatambua kukaia Uo-Uko-Aighu-Nandighi wabonyeragha mawuzuri gha ndoenyi nguma, na kummbika m'baa uo ose umkundagha.

DANIELI 5:23

ela kwakujosere kumoni aighu ya BWANA wa mlungunyi, kukareda vikombe na bakuli ra Hekalu yake na kunywa navo divei chiaimweri na wabaa wako wa isanga, na waka wako, na waka wako wekanya. Kukaikasa milungu iyo ibonyero kwa feza na dhahabu, na shaba, na chuma, na midi, na magho isewonagha, hata isesikiragha, angu kumanya ilagho jingi; kukamsowia ishima uo Mlungu umaziriagha miruke yako na mighendo yako yose.

WUFUNUO 11:6

Weko na nguma efunga mawingu, vua ingi isenye ngelo ya kuchila kwawo; sena weko na nguma reghalusa machi ghiwuye bagha, na kuikaba ndoe kwa kula ikabo shwa kwa shwa seji wikundagha weni.

WUFUNUO 8:8

Uo malaika wa kawi ukaikaba tarumbeta yake, na kilambo chimu chiko sa mghondi m'baa ghuakagha modo, chikakumbwa baharinyi;