KUFUMA 6:5 - Biblia Ilagho Jiboie Kwa Wandu Wose

⁵ Sena aighu ya agho, namerie kusikira kusirimika kwa wandu wa Israeli; awo wawuyawikwa wuzumbenyi ni Wamisri, nani najikumbuka ilaghano japo.

KUFUMA 6:5 ပူးပေါင်းရင်းမြစ်များ

KUZOYA 8:1

Ela Mlungu ukamkumbuka Nuhu, nyamandu na mfugho rose rerekwanyeghe nao safinenyi. Mlungu ukareda kuweta kwa mbeo aighu ya ndoe, machi ghikazoya kupungua.

KUZOYA 9:15

nichakumbuka ilaghano japo jiko aghadi yapo na inyo, na mimbi yose iko moyo, na machi ndeghichaakaia gharika ebwagha mumbi ghungi jingi sena anduangi.

ZABURI 105:8

Wawuyatala ilaghano jake kwa kala, ijo orejilaghirieghe kwa vivalwa elfu.

KUFUMA 2:23

Nyuma ya miaka imu, uja mzuri wa Misri ukafwa, ela Waisraeli werekoghe wikisirimwa aisi ya wuzumba; wikalila wikilola wutesia. Kililo chawo chikamvikia Mlungu.

KUFUMA 2:24

Na Mlungu ukakumbuka ilaghano jake orejibonyereghe na Abrahamu, Isaaka, na Jakobo.

KUFUMA 3:7

Niko BWANA ukaghamba, “Namerie kuwona seji wandu wapo wawuyakorongwa andenyi ya isanga ja Misri; nasikire kililo chawo kwa wundu ghwa wanyapara wawo. Naichi wasi ghwawo,

KUFUMA 5:4

Ela mzuri wa Misri ukawizera, “Inyo Musa na Haruni, kwaki muwifunyagha wandu kazinyi kwawo? Wurienyi kazi renyu.”

ISAYA 63:9

Kwa matiriro ghawo ghose, uo moni oretiriroghe, na malaika uo orekirieghe imbiri kwake ukawikira. Kwa lukundo na wughoma ghwake orewikombueghe ukawidwa na kuwighenja matuku ghose gha kala.

LUKA 1:54

Wamtesia Israeli mdumiki wake, kwa kukumbuka wughoma ghwake.

LUKA 1:72

uwibonyere wughoma orewilaghirieghe weke aba, kwa kujikumbuka ilaghano jake ja wueli.