KUFUMA 5:4 - Biblia Ilagho Jiboie Kwa Wandu Wose

⁴ Ela mzuri wa Misri ukawizera, “Inyo Musa na Haruni, kwaki muwifunyagha wandu kazinyi kwawo? Wurienyi kazi renyu.”

KUFUMA 5:4 ပူးပေါင်းရင်းမြစ်များ

KUFUMA 1:11

Kwa huwo Wamisri wikawiwikia wanyapara wiwikoronge kwa kazi rikurie; Waisraeli wikamuaghia mzuri mizi ya nganya rewika viro, Pithomu na Ramesesi.

KUFUMA 2:11

Hata iji Musa wazoghua, ituku jimu ukafuma kwendawizighana wamzawo Waebrania, ukawona seji werebonyesheroghe kazi rikurie; ukammbona Mmisri umu ukimkaba Muebrania.

KUFUMA 6:5

Sena aighu ya agho, namerie kusikira kusirimika kwa wandu wa Israeli; awo wawuyawikwa wuzumbenyi ni Wamisri, nani najikumbuka ilaghano japo.

JEREMIA 38:4

Niko wabaa wikamzera mzuri, “Umundu yamfwana ubwagho. Kwa kukaia waawuyaredia masikari ghisigharikie andenyi ya ughu muzi wunyonge, chiaimweri na wandu wose, kwa kuwighoria malagho ghifwane huwu; kwa kukaia ndewuelola wucha ghwa wandu, ela kunoneka kwawo.”

AMOSI 7:10

Niko Amazia, mkohani wa Betheli, ukaduma momu kwa Mzuri Jeroboamu ukighamba, “Ola Amosi wadeda malagho gha sheshe aighu yako aghadi ya wandu wa Israeli, na malagho ghake ni gha ndengwa kwa isanga.

LUKA 23:2

Wikazoya kumshitakia wikighamba, “Dammbwadie mundu uhu ukilaghasha mbari edu kwa kuwighiria wandu wisemfunyire Kaisari kodi, na kughamba wei uo ni Kristo mzuri.”

MABONYO GHA WADUMI 24:5

Dawonie mundu uhu oko na ndengwa, ni m'bonyi sheshe aghadi ya Wayahudi wose wurumwengunyi kose, nao ni kilongozi cha dini ya Wanazareti.