KUFUMA 5:2 - Biblia Ilagho Jiboie Kwa Wandu Wose

² Ela Farao ukaghamba, “Uo BWANA nani nidimagha kusikira lwaka lwake na kuwisigha Waisraeli wighende? Ini simwichi uo BWANA, sena sidimagha kuwisigha Waisraeli wighende anduangi.”

KUFUMA 5:2 ပူးပေါင်းရင်းမြစ်များ

2 WAZURI 18:35

Ni masanga ghiao ghikirilo ni milungu yawo, niseghikabe, nao ikaie wei BWANA uchadima kukira muzi ghwa Jerusalemu niseghukabe?’”

2 MALAGHO GHA NGELO 32:14

Ni mlungu ghuao aghadi ya milungu ya iro mbari ra wandu aba oreritoteshereghe ghoredimieghe kuwikira wandu wake na ndighi rapo; nao ichakaia wei Mlungu onyu wadima kumkira na ndighi rapo?

2 MALAGHO GHA NGELO 32:15

Kwa huwo msesighe Hezekia umkalie na kumlaghasha huwo, hata msemrumirie; angu ndeghuko mlungu ghwa mbari ingi ya wandu, angu wuzuri ghungi ghoredimieghe kuwikira wandu wake na ndighi rapo, angu na ndighi ra weke aba. Ni kuchumba saki Mlungu onyu kulemwa ni kumkira!”

2 MALAGHO GHA NGELO 32:19

Wikadeda malagho aighu ya Mlungu wa Jerusalemu, sa iji werededieghe aighu ya milungu ya wandu wa ndoenyi ibonyero na mikonu ya wandu.

NEHEMIA 9:10

Korewonyereghe weke mwakilimbiti na mashiniko kwa mzuri na wadumiki wake wose, na wandu wose wa isanga jake, angu koremanyireghe seji wiwikorongie wandu wako. Kukakubonyera kumoni irina, sa iji koni jiko idime.

AYUBU 15:25

Kwa kukaia ookunda kulwa na Mlungu, na kumlegha Uo-Uwadie-Ndighi-Rose,

AYUBU 15:26

warama-rama ii chia na ii chia na ngao yake mbaa, ukikunda kulwa na Mlungu.

AYUBU 21:15

Nani Uo-Uwadie-Ndighi-Rose hata dimdumikie? Dipata fwaidaki dikalombagha kwake?’

ZABURI 10:4

Mundu mmbiwi ukukasire ndemtalagha BWANA; wadaghesha ngelo rose Mlungu ungi ndeuko.

ZABURI 12:4

awo wighambagha, “Dichawisima kwa kukudederie diweni; deko na memu yedu, nani uchaadibonyera nguma?”

ZABURI 12:5

BWANA waghamba, “Kwa kukaia wakiwa waawuyakorongwa, na awo wisowagha waawuyaruma, nichawuka idana, niwibonyere wulindiri ugho wighukunde.”

ZABURI 14:1

Mkelu wadaghamba ngolonyi kwake, “Mlungu ungi ndeuko.” Ni wandu winonekie, wibonyagha malagho ghizamie, hata ndekuwadie ungi ubonyagha nicha anduangi.

KUFUMA 3:19

Ini namanya angu mzuri wa Misri ndechaamsigha mghende, usaalazimishwa kubonya huwo.

KUFUMA 7:17

BWANA waghora huwu, “Mchanimanya kukaia ne BWANA kwa chia ihi, nichaghikaba machi gha moda ghwa Naili kwa zobo ihi iko mkonunyi kwapo, nagho ghichawuya bagha.

MAKATANISHO 30:9

nisecheghuda nandighi na kukukana oho ngighamba “Nani uwangwagha BWANA?” hata nisekaie mkiwa nicheiwa na kujilusha irina ja Mlungu wapo.

JEREMIA 42:13

“Ela mkaghamba, ‘Isi ndedichaakaia andenyi ya iji isanga’, nao mleghe kumsikira BWANA Mlungu onyu

JEREMIA 48:26

“Mmbongerenyi Moabu angu orekujosereghe moni aighu yapo ini BWANA, upate kughala-ghala aighu ya madaika ghake; na kusekwa.

DANIELI 3:15

Idana iji mwasikira lwaka lwa tarumbeta, na misherembe, na zeze, na ngoma, na kayamba, na firimbi, na kula kilambo chebora, mugho kiwushu-wushu na kuitasa ija fwana ya dhahabu niibonyere. Kamanya muko tayari kubonya huwo, ichakaia nicha; ela mkalegha, mchakumbwa shwa-shwa andenyi ya iwiwi ja modo. Na oko hao mlungu udimagha kumkira na mkonu ghwapo?”

JOHANE 16:3

Nawo wicham'bonya huwo kwa kukaia ndewimwichi uja Aba, hata ini anduangi.

WAROMA 1:28

Na kwa kukaia wereleghieghe kumtala Mlungu, Mlungu nao orewisighanyeghe na akili ra kisha na maza risefwane.

2 WATHESALONIKE 1:8

Nao uchalipia ngenga aighu ya wandu wose wisemwichi Mlungu, na aighu ya awo wose wawuyajilegha ijo Ilagho Jiboie ja Bwana odu Jesu.

WATANYI 2:10

Kivalwa chose wokoni chikafwa, chikawuka kivalwa kizima; nacho chikamliwa BWANA na agho ghose oreghibonyereghe kwa Israeli.

1 SAMUELI 2:12

Wana wa Eli werekoghe wandu wisefwane, kwa kukaia ndeweremtalieghe BWANA,

1 SAMUELI 25:10

Niko Nabali ukawitumbulia, “Daudi nani, na uo mwana wa Jese nani? Matuku agha wadumiki wengi wawuyawikimbia weke bwana wawo.