KUFUMA 40:34 - Biblia Ilagho Jiboie Kwa Wandu Wose

³⁴ Niko iwingu jikaifinikira Hema, na mwengere m'baa ghwa BWANA ghukang'ala-ng'ala andenyi yaro.

KUFUMA 40:34 ပူးပေါင်းရင်းမြစ်များ

2 SAMUELI 7:6

Jingi sekaia andenyi ya nyumba kufuma nafunya wandu wa Israeli Misri hata idime. Ini nedeeka ngikaia hemenyi iji nerekoghe ngimara-mara.

2 MALAGHO GHA NGELO 5:13

nayo edeeka ni kazi ya wakabi tarumbeta na wabori kuwusira chwaka rawo wisikirike chiaimweri iji wakamfunyira BWANA chawucha), na lumbo kuborwa kwa tarumbeta na banjo na vombo vizima va muziki kwa kumkasa BWANA, na kughamba, “BWANA ni mucha, angu lukundo lwake lukatie lwadua matuku ghose,” Hekalu ya BWANA ikachulwa ni iwingu,

2 MALAGHO GHA NGELO 7:2

Wakohani wikalemwa ni kungia andenyi ya Hekalu ya BWANA, kwa kukaia ugho wubaa ghwa BWANA ghoreichureghe Hekalu yake.

ZABURI 26:8

Naikunda iyo nyumba kukaiagha ee BWANA, na andu wubaa ghwako ghukaiagha.

KUFUMA 14:24

Nao sa ndoe kuelenyi, BWANA ukikaia andenyi ya nguro ya modo na ya iwingu ukaghizighana majeshi gha Wamisri, na kuwisumbua.

KUFUMA 16:10

Hata iji Haruni orekoghe ukighora na ikwanyiko jose ja wandu wa Israeli, wikazighana cha kireti, wikawona wubaa ghwa BWANA ghuko andenyi ya iwingu.

KUFUMA 25:8

Suti wandu winibonyere Andu kwa Wueli, nipate kukaia aghadi kwawo.

KUFUMA 29:43

Nichakwana na wandu wa Israeli aho; na wubaa ghwapo ghuchakubonya andu aho kukaie Kuelie.

KUFUMA 33:9

Nyuma ya Musa kungia Hemenyi, nguro ya iwingu erekoghe ikisea na kumanga mnyangonyi ghwa Hema; na BWANA orekoghe ukighora na Musa.

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

ISAYA 6:4

Na chwaka rawo rikasughusa misingi ya Hekalu, nayo ikachulwa ni mosi.

EZEKIELI 10:4

Wubaa ghwa BWANA ghukajoka kufuma kwa agho makerubi, hata mnyangonyi ghwa Hekalu, na iwingu jikachua andenyi ya Hekalu; waza ikachulwa ni mwengere ghwa wubaa ghwa BWANA.

WALAWI 16:2

ukamzera, “Kumzere mwanyinyu Haruni usecheghe kula ngelo andenyi ya Andu kwa Wueli Kuchumbie nandenyi ya pazia; andu aho Kifumbi cha Wughoma chiko aighu ya Sanduku ya Ilaghano, uchefwa; kwa kukaia nichawoneka andenyi ya iwingu aighu ya Kifumbi cha Wughoma.

HAGAI 2:7

Mbari rose ra wandu nicharikumba noko, na mali rawo wicharireda aha, na Hekalu ichachulwa ni mali.

HAGAI 2:9

Wubaa ghwa Hekalu mbishi ghuchakaia mungi kuchumba ghuja ghwa kala, na aho nichawineka wandu wapo mecha na sere.” BWANA Uwadie-Ndighi-Rose waghamba.

MITALO 7:89

Nao iji Musa wangia andenyi ya Hema ekwania kughora na BWANA, ukasikira lwaka lwa BWANA lukighora nao kufuma naighu ya kilemeko, icho kifumbi cha wughoma cherekoghe aighu ya Sanduku ya Ilaghano, chiko na makerubi awi.

WAROMA 9:4

Awo ni Waisraeli, na uko kubonywa kukaia wana wa Mlungu ni kwawo, na wubaa ni ghwawo, na ilaghano ni jawo, na uko kunekwa Sharia ni kwawo, na wutasi ni ghwawo, na malaghiro ni ghawo;

WUFUNUO 15:8

na hekalu ikachua mosi ghufumie kwa ugho wubaa ghwa Mlungu, na uko kudima kwake; na mndungi nderedimieghe kungia hekalunyi, hata makabo gha weke malaika mfungade ghikatie.

WUFUNUO 21:3

Ngasikira lwaka lubaa kufuma kwa icho kifumbi cha nguma lukighamba, “Ola wulalo ghwa Mlungu ni andwamweri na wadamu. Nao uchakaia andwamweri nawo, nawo wichakaia wandu wake; Mlungu moni uchakaianya nawo.