KUFUMA 4:5 - Biblia Ilagho Jiboie Kwa Wandu Wose

⁵ BWANA ukaghamba, “Bonya huwo wipate kurumiria angu Mlungu wa weke ndee, Mlungu wa Abrahamu, wa Isaaka, na wa Jakobo wakufutukie.”

KUFUMA 4:5 ပူးပေါင်းရင်းမြစ်များ

KUZOYA 12:7

BWANA ukamchea Abramu ukamzera, “Kivalwa chako nichachineka iji isanga.” Abramu ukamuaghia BWANA madhabahu uo oremfutukieghe.

KUZOYA 17:1

Nao iji Abramu wavika miaka mirongo ikenda na ikenda, BWANA ukamfutukia ukamzera, “Ini ne Mlungu-Uwadie-Ndighi-Rose; ninughe kukaia kukatie.

KUZOYA 18:1

Nao BWANA ukamfutukia Abrahamu aja midinyi ya kuela ya Mamre, uko kidombo mnyangonyi ghwa hema yake, ngelo ya mruke ghwa dime ghadi.

KUZOYA 26:2

BWANA ukamfutukia ukamzera, “Kusakeghenda cha Misri, kaia isangenyi iji nichaakughoria.

KUZOYA 28:13

Na BWANA ukakaia kimusi naighu yaro ukaghamba, “Ini ne BWANA, Mlungu wa ndeyo Abrahamu, na Mlungu wa Isaaka. Nichakuneka oho na kivalwa chako isanga iji kwawuyalala idana;

KUZOYA 48:15

Nao ukamrasimia Josefu ukighamba; “Mlungu uo weke aba Abrahamu na Isaaka weremdumikieghe, uo Mlungu orenighenjereghe irangi japo jose kuvikia ituku iji,

KUZOYA 48:3

Jakobo ukamzera Josefu, “Mlungu Uwadie-Ndighi-Rose orenifutukieghe aja Luzu isanga ja Kanaani, ukanirasimia ukinizera,

1 WAZURI 18:36

Nao luma lwa kufunya kizongona cha kenyi, mlodi Elija ukacha kaavui na madhabahu ukalomba ukighamba, “Ee BWANA Mlungu wa Abrahamu, na wa Isaaka na wa Jakobo, ndeimanyike idime iji kukaia oho ko Mlungu andenyi ya Israeli, na kukaia ini ne mdumiki wako, nani nabonya agha ghose kwa ilagho jako.

2 MALAGHO GHA NGELO 20:20

Wikawuka nakesho kio, wikaghenda cha kireti cha Tekoa; hata iji werekoghe wikighenda, Jehoshafati ukawuka kimusi ukaghamba, “Nisikirenyi inyo wandu wa Juda nenyo mkaiagha Jerusalemu! Mrumirienyi BWANA Mlungu onyu nenyo mchamangishwa; wirumirienyi walodi wake, nenyo mchasima.”

KUFUMA 19:9

BWANA ukamzera Musa, “Ola nichakuchea andenyi ya iwungu jikambie kira kudedanya na oho; wandu wipate kusikira ngidedanya na oho, nawo wikurumirie matuku ghose.” Niko Musa ukamghoria BWANA malagho gha awo wandu.

KUFUMA 3:15

Mlungu ukachuria kumzera Musa, “Kuwizere wana wa Israeli huwu, ‘BWANA uo Mlungu wa weke ndeyo, Mlungu wa Abrahamu, wa Isaaka, na wa Jakobo, wanidumie konyu;’ iji nijo irina japo kwa kala; na huwo nichakumbukwa vivalwa vose.

KUFUMA 3:16

Ghenda kuwikwanye waghosi wa Israeli chiaimweri kuwizere, ‘Bwana Mlungu wa weke ndeyo, Mlungu wa Abrahamu, wa Isaaka na wa Jakobo wanifutukie ukighamba, “Namerie kumzighana inyo na kuwona agho mwawuyabonyerwa Misri;

KUFUMA 3:18

“Wandu wapo wichasikira lwaka lwako, na oho chiaimweri na waghosi wa Israeli mchaghenda kwa mzuri wa Misri mumzere, ‘Bwana, uo Mlungu wa Waebrania wakwana nesi, idana dakulomba kudisighe dighende charo cha matuku adadu kireti, dipate kumfunyira uo Mlungu odu kizongona.’

KUFUMA 3:4

Nao iji BWANA wawona angu waghaluka uzighane, Mlungu ukammbanga kufuma kisachinyi, “Musa, Musa!” Ukatumbulia, “Neko aha.”

KUFUMA 3:6

Ukaghamba, “Ini ne Mlungu wa ndeyo, Mlungu wa Abrahamu, Isaaka, na Jakobo.” Musa ukafinikira wushu ghwake angu oreobueghe kumzighana Mlungu.

KUFUMA 4:1

Niko Musa ukamtumbulia BWANA, “Ela ndewichaanirumiria hata kusikira agho nighoragha, angu wichaghamba, ‘Bwana ndekufutukie kungi.’”

KUFUMA 4:31

Wandu wikarumiria; nawo iji wasikira wei BWANA wawichea wandu wa Israeli na angu wamerie kuwona seji wawuyakorongwa, wikaghoghomesha vongo vawo na kutasa.

KUFUMA 4:4

Ela BWANA ukamzera Musa, “Ghorua mkonu ghwako kuiwade kikomba.” Ukaghorua mkonu ghwake ukaiwada, nayo ikawuya zobo mkonunyi kwake.

ISAYA 7:9

Muzi m'baa ghwa Israeli ni Samaria, na m'baa waro ni Mzuri Peka mwana wa Remalia. Kukalegha kurumiria, loli ndekuchaamanga.’”

JEREMIA 31:3

nerewifutukieghe kufuma kula. Neremkundeghe kwa lukundo lwa kala na kala, niko huwo nadua ngikaia mloli konyu.

JOHANE 11:15

ela naboilwa kwa wundu ghonyu angu serekoghe aho, eri inyo mpate kurumiria. Elaima dighende kwake.”

JOHANE 11:42

nani neremanyireghe angu oho kwadanisikira ngelo rose. Ela naghighora agha kwa wundu ghwa wandu wiko kimusi aha; wipate kurumiria angu ni oho korenidumieghe.”

JOHANE 20:27

Nao ukamzera Tomasi, “Reda chala chako kuvizighane vikoto vapo, reda mkonu ghwako kughungire luwarunyi kwapo. Kusakekaia mundu userumiriagha, ela uo urumiriagha!”

JOHANE 20:31

Ela agha gheandikwa, inyo mpate kurumiria angu Jesu ni Kristo, Mwana wa Mlungu; na kwa kurumiria kwake, mpate kukaia na irangi kwa irina jake.

JOHANE 5:36

“Ela neko na wushuhuda m'baa kuchumba ugho ghwa Johane. Angu iro kazi niribonyagha, iro Aba oreninekieghe niribonye, niro reni rinishuhudiagha kukaia uo orenidumieghe ni Aba.

MABONYO GHA WADUMI 7:2

Stefano ukaghamba, “Wanidu na weke aba nisikirienyi. Mlungu wa wubaa oremfutukieghe aba odu Abrahamu iji orekoghe Mesopotamia imbiri useghendie kukaia Harani

WAEBRANIA 11:16

Ela seji iko, weekunda isanga jiboie kuchumba, najo ni ja mlungunyi. Kwa huwo, Mlungu ndewonagha waya ghungi iji wakammbanga Mlungu wawo, angu wawiboisire muzi.