KUFUMA 4:14 - Biblia Ilagho Jiboie Kwa Wandu Wose

¹⁴ Niko BWANA ukajokwa ni machu aighu ya Musa, ukaghamba, “Welee, mwanyinyu Haruni Mlawi ndeko aeni? Naichi angu uo wadima kudeda nicha; ola waawuyacha kukumara, nao uchaboilwa kukuwona.

KUFUMA 4:14 ပူးပေါင်းရင်းမြစ်များ

2 SAMUELI 6:7

BWANA ukajokwa ni machu aighu ya Uza; na Mlungu ukamkaba angu oreidadireghe Sanduku ya Ilaghano ja BWANA, nao ukafwa ahoeni mbai na mbai ya Sanduku ya Mlungu.

1 WAZURI 11:9

BWANA uo Mlungu wa Israeli ukam'bonyera Solomoni machu angu oremsighieghe; nao oremfutukieghe mando awi.

1 MALAGHO GHA NGELO 21:7

BWANA ukazamilwa ni ilagho ijo ukawikaba Israeli.

ZABURI 105:26

Niko ukamduma mdumiki wake Musa, na Haruni uo oremsaghueghe.

KUFUMA 4:13

Musa ukaghamba, “Ee BWANA wapo, nakulomba kudume mundu mzima.”

KUFUMA 4:17

Kuchadwa iyo zobo mkonunyi kwako, na kwa iyo zobo, kuchabonya weke mwakilimbiti.”

KUFUMA 4:27

Nao BWANA ukamzera Haruni, “Ghenda kukwane na Musa kireti.” Niko ukaghenda; wikakwania mghondinyi ghwa Mlungu, ukamsusugha.

MITALO 12:2

Wikaghamba, “A huwo Mlungu odeghora na Musa uekeri? Kwani ndeghorie na isi wori anguwada?” Nao BWANA ukasikira.

MABONYO GHA WADUMI 15:28

Angu Roho Mweli, na isi wori, dawonie nicha disemdukishire msigo ghungi mzima kuchumba agho ghiko gha suti;

2 WAKORINTHO 2:13

ela ngolo yapo ndeerekoghe na sere, angu neremsowieghe mwanidu Tito aho. Niko ngalaghana na wandu na kughenda Makedonia.

WAFILIPI 2:21

Wazima wose wiatala maza rawo reni, ndewitalagha iro ra Jesu Kristo anduangi.

JOSHUA 24:5

Niko ngawiduma Musa na Haruni, ngawikaba Wamisri kwa agho nereghibonyereghe aghadi kwawo, konyuma ngamfunya aho.

1 SAMUELI 12:8

Ngelo Jakobo oreghendieghe Misri chiaimweri na wandu wake, Wamisri werewikorongieghe; na weke ndeyo wikamkemia BWANA, nao ukawineka Musa na Haruni, wikawifunya weke ndeyo kufuma Misri na kuwiwika iji isanga mwawuyajikaia.

1 SAMUELI 2:27

Nao mndumu wa Mlungu ukamchea Eli ukamghoria seji BWANA wamzera, “Nerekuwonyereghe ini moni kwa kinyumba cha wawayo Haruni iji werekoghe wazumba wa mzuri aja Misri.