KUFUMA 39:1 - Biblia Ilagho Jiboie Kwa Wandu Wose

¹ Werebonyereghe marwao ghiboie gha uzi ra buluu, zambarau na ra ngundu, rerwalwa ni wakohani ngelo wakadumika andenyi ya Andu kwa Wueli. Wikabonya marwao gha wakohani, kwa wundu ghwa Haruni, sa iji koni BWANA oremlaghirieghe Musa.

KUFUMA 39:1 ပူးပေါင်းရင်းမြစ်များ

ZABURI 93:5

Sharia rako ni ra loli putu BWANA; Hekalu yako yaelie nandighi kwa kala na kala.

KUFUMA 25:4

kitani iboie, uzi wa buluu, zambarau na wa ngundu; nguwo ribonyero na mafuri gha mburi,

KUFUMA 26:1

“Wokoni kubonye Hema ya Wueli, iyo Hema ya andu dikwaniagha; kuibonye na vipande ikumi va kitani iboie ilukilo kwa uzi, wa rangi ya buluu, zambarau, na ya ngundu, itolelo fwana ra makerubi kwa wuya.

KUFUMA 28:5

Awo waluki wichatumia uzi wa buluu, na wa zambarau, na wa ngundu, na uzi wa dhahabu, na kitani iboie ilukilo nicha.

KUFUMA 31:10

nguwo rilukilo nicha, iro nguwo ra wueli ra mkohani Haruni, na nguwo ra wana wake, kwa wundu ghwa wudumiki ghwawo ghwa wukohani;

KUFUMA 35:19

nguwo rishonelo nicha redumika andenyi ya Andu kwa Wueli, nguwo ya wueli ya Mkohani Haruni, na nguwo kwa wundu ghwa wana wake, kwa wudumiki ghwawo ghwa wukohani.”

KUFUMA 35:23

Uo ose orekoghe na kitani ndicha, na uzi ra buluu, na ra zambarau, angu ra ngundu, nguwo ya mafuri gha mburi, mrongo ghwa bauru ghushingilo rangi ya ngundu, angu mrongo ghuboie; wikavireda vose.

KUFUMA 38:31

vishawalata va nandonyi va idawo kujimara chia rose, na vishawalata va nandonyi va mbenge ya idawo, na vigingi vose va Hema na idawo.

KUFUMA 39:41

nguwo righokie rerwalwa ni wakohani andenyi ya Andu kwa Wueli – nguwo ra Wueli kwa wundu ghwa mkohani Haruni na kwa wundu ghwa wana wake; wipate kudumika sa wakohani.

EZEKIELI 42:14

Ngelo wakohani wangia Andu kwa Wueli, wikakafuma cha waza ya shighadi, wichafunya iro nguwo ra wukohani redumika angu iro ni ra wueli, wiro zima, ima wifume noko cha wandunyi.”

EZEKIELI 43:12

Ihi niyo sharia ya Hekalu, kiwacha chose kufuma mghondinyi chichakaia cha wueli nandighi. Ola ihi niyo sharia ya Hekalu.

WAEBRANIA 9:12

orengirieghe andenyi ya Andu kwa Wueli indo jimweri tua ukidwa bagha; si ya mburi na ngache anduangi, ela bagha yake moni. Kwa chia iyo ukaghupata ghuja wukomboli ghwa kala na kala.

WAEBRANIA 9:25

Hata ndeorekoghe ukufunye moni kalazi, seji Mkohani M'baa ungiagha Andu kwa Wueli kula Mwaka, ukidwa bagha iseko yake;