KUFUMA 37:1 - Biblia Ilagho Jiboie Kwa Wandu Wose

¹ Bezaleli ukabonya Sanduku ya Ilaghano kwa mudi ghwa mgoleka; wulacha ghwaro sentimeta ighana na ikumi, na wushapa ghwaro sentimeta mirongo irandadu na irandadu, na wuighu ghwaro, sentimeta mirongo irandadu na irandadu.

KUFUMA 37:1 ပူးပေါင်းရင်းမြစ်များ

1 MALAGHO GHA NGELO 2:20

Huri oremvaeghe Uri na Uri ukamva Bezaleli.

KUFUMA 26:33

Kuwanike iyo pazia kwa iro koleo, nao kurede ija Sanduku ya Ilaghano iko na vishawalata viwi va magho andenyi, na kuiwika nanyuma ya iyo pazia. Iyo pazia ichatanya Andu kwa Wueli na Andu kwa Wueli Kuchumbie.

KUFUMA 31:7

Hema Ekwania, Sanduku ya Ilaghano na kilemeko charo, na vilambo vose va Hema;

KUFUMA 37:2

Ukaikanda dhahabu ielie shighadi na nandenyi wori. Ukaibonyera mkele ghwa dhahabu ghuimare chia rose.

KUFUMA 40:3

Kungire Sanduku ya Ilaghano andenyi, iko na Memu Ikumi, sena kuirighie pazia.

WUKUMBUSO 10:3

“Niko ngabonya sanduku ya mbau ra mudi ghwa mgholeka, ngadumbua vishawalata viwi va magho sa vija va imbiri na kujoka navo mghondinyi.

WAEBRANIA 9:4

Andenyi kwaro, korekoghe na madhabahu ya dhahabu efukiria marumba, na Sanduku ya Ilaghano ishingilo dhahabu chia rose. Iyo Sanduku erekoghe na mkebe ghwa dhahabu ghowika ija mana, mzata ghwa Haruni ugho ghorejosereghe malemba, na vishawalata va magho viandikilo ija memu ikumi;