KUFUMA 32:7 - Biblia Ilagho Jiboie Kwa Wandu Wose

⁷ BWANA ukamzera Musa, “Bonya shwa-shwa kusee, angu wandu wako awo korewifunyireghe isanga ja Misri wabonya kaung'a na kunisigha.

KUFUMA 32:7 ပူးပေါင်းရင်းမြစ်များ

2 MALAGHO GHA NGELO 27:2

Jothamu ukabonya mecha imbiri ya BWANA seji koni ndee orebonyereghe; ela nderengirieghe andenyi ya Hekalu kufukira marumba. Elaima wandu wikadua wikibonya mawiwi.

ZABURI 78:36

Ela weremkalieghe kwa memu yawo, wikatumia chumi rawo kumghoria tee.

KUFUMA 19:24

BWANA ukatumbulia, “Sea kwendemuonda Haruni mchanye aha, ela wakohani na wandu wisechumbe mwano kunichea, nichewikaba.”

KUFUMA 32:1

Nao iji wandu werewonieghe angu Musa wamuka luma aho mghondinyi, wikakwanyika chiaimweri kwa Haruni wikamzera, “Isi ndedimanyagha malagho ghimpatire uo mundu Musa udijosere kufuma isanga ja Misri. Kwa huwu wuka kudibonyere milungu edighenja.”

KUFUMA 32:11

Ela Musa ukamvoya BWANA Mlungu wake ukighamba, “Ee BWANA, kwaki kwakaia na machu ghibirie kwa wandu wako, awo korewifunyireghe isanga ja Misri kwa ndighi mbaa na kudima?

KUFUMA 32:4

Haruni ukaviwada ivo vipini, ukaviyeyusha na kuwibonyera wandu ngache kwa patasi. Wandu wikaghamba, “Ee Israeli, ughu nigho mlungu ghodu ghudifunyire na kudireda kufuma isanga ja Misri.”

KUFUMA 33:1

BWANA ukamzera Musa, “Fuma andu aha, andwamweri na wandu korewiredieghe kufuma Misri, kuwighenje jija isanga neremlaghirieghe Abrahamu, Isaaka, na Jakobo ngighamba angu nichajineka kivalwa chake.

ISAYA 1:4

To! E mbari ya kaung'a, wandu wilemerwagha ni wuwiwi; mavalo gha wabonyi kiwiwi wana wibonyagha laghe-laghe. Wamsighie BWANA, wammenyere Mlungu, Mweli wa Israeli, watane nao na kuwuya nyuma putu.

DANIELI 9:24

“Miaka mirongo mfungade mando mfungade ni ngelo iwikilo ewifungua wandu wako na muzi ghwako ghwa wueli wifume kaung'enyi na wuwiwinyi. Kaung'a ichalekwa, na hachi ya kala na kala kumangishwa, mawono na wulodi ghipate kukatia, na kumshinga mavuda uo Mweli.

HOSEA 9:9

Waawuyabonya mawiwi icho kisha, sa iji koni werekoghe Gibea. Mlungu uchakumbuka mawiwi ghawo, na kuwikaba.

WUKUMBUSO 31:29

Angu namanya loli nyuma ya kufwa kwapo, mchazama na kuisigha nambai iyo chia neremlaghirieghe; na kwa matuku ghichagha mchapatwa ni mawiwi, angu mchabonya kiwiwi imbiri ya BWANA, na kwa kazi renyu, mcham'bonya ujoko ni machu.”

WUKUMBUSO 32:5

Ela inyo mo wandu mseko waloli, msefwane kuwangwa wandu wake; mbari ya kaung'a ichue mikalo.

WUKUMBUSO 4:16

mkumanye, msakebonya wuwiwi kwa kukuwachira fwana ya kindo chingi chiwonekagha chifwanane na mndwawomi angu muka;

WUKUMBUSO 9:12

“Niko BWANA ukanizera, ‘Wuka kusee mghondinyi shwa-shwa, angu wandu wako awo kuwiredie kufuma Misri wakunona weni kwa kughaluka shwa-shwa na kuisigha iyo chia nerewilaghirieghe; nawo wakubonyera weni mlimu ghuchanilo.’

WUKUMBUSO 9:8

Hata aja Sinai, moremvavirieghe BWANA ukajokwa ni machu, nao ukazamilwa nandighi hata ukakunda kumtotesha.

WATANYI 2:19

Ela nyuma ya uo mtanyi kufwa, werekoghe wikiwuya nyuma na kubonya maza richumbie rija ra imbiri rerekoghe rikibonywa ni weke ndee kwa kuidumikia na kuighoghomia milungu mizima; wikadua andenyi ya lung'eto na mabonyo ghawo mawiwi.