KUFUMA 32:4 - Biblia Ilagho Jiboie Kwa Wandu Wose

⁴ Haruni ukaviwada ivo vipini, ukaviyeyusha na kuwibonyera wandu ngache kwa patasi. Wandu wikaghamba, “Ee Israeli, ughu nigho mlungu ghodu ghudifunyire na kudireda kufuma isanga ja Misri.”

KUFUMA 32:4 ပူးပေါင်းရင်းမြစ်များ

1 WAZURI 12:28

Nyuma ya kujipima, ukachana ngache iwi ra dhahabu. Ukawizera wandu, “Mduajokali Jerusalemu; milungu yenyu hei ee wandu wa Israeli, iyo eremjosereghe kufuma isanga ja Misri.”

1 WAZURI 12:32

Jeroboamu ukawika ndima ya kidini, ituku ja ikumi na isanu ja mori ghwa wunyanya, kara kara na iyo iwikwagha isanga ja Juda. Ukafunya vizongona madhabahunyi kwa iro ngache oreribonyereghe aho Betheli. Ukawika wakohani Betheli kwa wundu ghwa iro nyumba retasira oreriaghieghe mighondinyi.

2 WAZURI 10:20

Niko Jehu ukafunya momu, “Wikenyi ituku jemtasa Baali.” Nao wandu wikawika ituku.

2 WAZURI 10:29

Ela nderesighieghe kaung'a ra Jeroboamu mwana wa Nebati, kwa iro, orewishekerieghe Waisraeli kungia kaung'enyi etasa milimu ya ngache ra dhahabu oreiwikieghe Betheli na Dani.

2 MALAGHO GHA NGELO 11:15

Ukawika wakohani wake moni wedumika andu kotasira mighondinyi, na kudumikia majini, na fwana ya ngache oreibonyereghe.

2 MALAGHO GHA NGELO 13:8

“Na idana mwaawuyaghesha wei mwadima kusimana na wuzuri ghwa BWANA ghuko mikonunyi kwa wana wa Daudi, angu wei kedi muko wengi na angu wei Jeroboamu um'bonyere milungu ya fwana ra ngache ra dhahabu.

NEHEMIA 9:18

Werekubonyereghe weni mlimu ghufwanane na ngache; wikaghamba wei uo nuo mlungu wawo uwifunyire isanga ja Misri. Werekuvavirieghe na ndighi BWANA.

KUFUMA 20:2

“Ini ne BWANA Mlungu wako, nerekufunyireghe isanga ja Misri, kufuma wuzumbenyi.

KUFUMA 20:23

Msakekubonyera mmbeni milungu ya feza angu dhahabu kuitasa chiaimweri nani.

KUFUMA 20:4

“Kusakekubonyera kumoni fwana ingi iwachilo, angu kilambo chingi chifwananagha na kilambo chiko aighu mlungunyi, angu chiko ndoenyi aisi, angu machinyi ghiko ndoenyi nakosi;

KUFUMA 28:11

Kuandike marina ikumi na awi gha wana wa Israeli aighu ya agho magho kwa kughikota, seji fundi wa lulu ubonyagha mihuri, na kushinga iro mbari dhahabu.

KUFUMA 28:9

Kuwuse magho awi gha zoghori mbaa gha oniksi; kukote aighu yaro marina ikumi na awi gha wana wa Israeli.

KUFUMA 32:1

Nao iji wandu werewonieghe angu Musa wamuka luma aho mghondinyi, wikakwanyika chiaimweri kwa Haruni wikamzera, “Isi ndedimanyagha malagho ghimpatire uo mundu Musa udijosere kufuma isanga ja Misri. Kwa huwu wuka kudibonyere milungu edighenja.”

KUFUMA 32:24

Niko niwilombie winiredie vilambo vawo va dhahabu; nawo wikaniredia, ngavikumba modonyi na kuwichania ihi ngache.”

KUFUMA 32:3

Niko aho wandu wikafunya vipini vawo va dhahabu na kumredia Haruni.

KUFUMA 32:35

BWANA ukareda makongo kwa awo wandu, angu weremshekerieghe Haruni kuibonya ngache ya dhahabu.

KUFUMA 32:5

Nao iji Haruni wawona agho, ukaagha madhabahu imbiri ya iyo ngache ya dhahabu, ukatangaza, “Kesho kuchakaia na ndima kwa wundu ghwa BWANA.”

KUFUMA 32:7

BWANA ukamzera Musa, “Bonya shwa-shwa kusee, angu wandu wako awo korewifunyireghe isanga ja Misri wabonya kaung'a na kunisigha.

KUFUMA 32:8

Wameria kuisigha ija chia nerewilaghirieghe kuinugha, nawo wakubonyera weni ngache ya dhahabu, wikaitasa na kuifunyira vizongona wikighamba wei uo nuo mlungu wawo uwifunyire Misri.

ISAYA 30:22

Niko aho mchazamilwa ni fwana ra milungu ishingilo feza, chiaimweri na rija richanilo ra dhahabu. Mcharida noko sa vilambo va wuchafu mkighamba, “Injikenyi noko!”

ISAYA 46:6

Awa wifunyagha dhahabu mifukonyi kwawo, na kupima feza rawo kwa ratili, wadamneka mchani dhahabu, upate kubonya mlungu, nawo waighoghomia na kuitasa!

EZEKIELI 23:8

Jingi ndesigha tabia ya wumalaya ghwake oreghuzoeghe matuku orekoghe Misri; kufuma wanake ghwake, womi werekoghe wikilala nao, wikakatisha bea rawo nao.

HOSEA 10:5

Wandu wikaiagha muzi ghwa Samaria wichaobua na kulila kwa wundu ghwa mlimu ghwa ngache ya dhahabu ghwa Beth-aveni. Wandu awo chiaimweri na wakohani wighudumikiagha wichalila kwa kuwona wubaa ghwaro seji ghwainjwa.

HOSEA 13:2

Na idana waawuyachuria kubonya kaung'a kwa kukubonyera weni milimu ichanilo wiitase; milimu iyo ibonyero kwa feza; kazi ibonyero kwa wuya ghwa mdamu. Nawo waghamba, “Funyenyi vizongona kwa ihi milimu.” Ikaia wada wandu wisusugha mlimu ghwa njau!

MABONYO GHA WADUMI 17:29

Kwa kukaia deko wana wa Mlungu, ndeidifwane digheshe wei Uo ooka sa dhahabu, angu feza, angu igho jiwachilo kwa wuya na maghesho gha mdamu.

MABONYO GHA WADUMI 7:41

Matuku agho, wikabonya fwana ya ngache, wikaghufunyira mlimu kizongona na kuboilwa ni kazi ra mikonu yawo.

1 WAKORINTHO 10:7

Msaketasa milimu seji wamu wawo werebonyereghe; sa iji iandikilo, “Awo wandu wereserieghe kidombo wikaja na kunywa, wikawuka kimusi na kuvina.”

WUKUMBUSO 9:16

Nao iji nazighana, ngawona kukaia mwameria kum'bonyera BWANA Mlungu onyu kaung'a kwa kukuchania mmbeni mlimu ghwa ngache na kusigha shwa iyo chia BWANA orekoghe wamlaghira.

WATANYI 8:24

Gideoni ukawizera, “Lekenyi nimlombe kilambo chimu; kula umu onyu unineke kipuli cha madu orechidwaeghe wunyika;” (angu Waishmaeli werekoghe wikirwa vipuli va dhahabu)

WATANYI 8:27

Gideoni ukabonya naivera kwa vilambo ivo, ukaiwika mzinyi kwake Ofra; na Waisraeli wose wikaghenda kuitasa wulalo ghwa Mlungu; na ilagho ijo jikawuya mdegho kwa Gideoni na nyumba yake.