KUFUMA 3:9 - Biblia Ilagho Jiboie Kwa Wandu Wose

⁹ Na idana, ola kililo cha wandu wa Israeli chamerie kunivikia, nani namerie kuwona seji Wamisri wiwikorongagha.

KUFUMA 3:9 ပူးပေါင်းရင်းမြစ်များ

KUZOYA 16:11

Ola koko na kifu, na oho kuchava mwana wa womi, na irina jake kuchammbanga Ishmaeli, angu BWANA wasikira kililo chako.

KUZOYA 31:12

Ukanizera, ‘Zighana kuwone iro fwandi ridediagha andenyi ya chagha ni ra njaria-njaria na ra vitaranga, na maboli-maboli; kwa kukaia namerie kuwona agho ghose Labani wawuyakubonyera.

2 WAZURI 13:4

Niko Jehoahazi ukamlomba BWANA, na BWANA ukamsikira; angu orewonieghe seji mzuri wa Siria orewikorongieghe Waisraeli.

2 WAZURI 20:5

“Wuya kumzere Hezekia m'baa wa wandu wapo, BWANA uo Mlungu wa ndeyo Daudi waghora huwu: Nasikira malombi ghako na kuwona mbori rako; ola nichakuboisa na ituku ja kadadu kuchajoka Hekalunyi kutasa.

NEHEMIA 9:9

“Korewonieghe seji weke aba werejieghe wasi Misri; kukasikira kililo chawo aho Bahari ya Shamu.

ZABURI 12:5

BWANA waghamba, “Kwa kukaia wakiwa waawuyakorongwa, na awo wisowagha waawuyaruma, nichawuka idana, niwibonyere wulindiri ugho wighukunde.”

ZABURI 9:14

eri nipate kughieresha makaso ghako, andenyi ya muzi ghwa Jerusalemu; na aho niboilo andenyi ya kukia kwako.

KUFUMA 1:11

Kwa huwo Wamisri wikawiwikia wanyapara wiwikoronge kwa kazi rikurie; Waisraeli wikamuaghia mzuri mizi ya nganya rewika viro, Pithomu na Ramesesi.

KUFUMA 1:22

Mzuri ukawilaghira Wamisri ukighamba, “Kula mwana wa womi uchaavalwa kwa Waebrania, mumkumbe modenyi ghwa Naili, ela kula mwana wa waka mchamsigha ukaie moyo.”

KUFUMA 1:8

Niko ukawuka mzuri mzima Misri useremmanyireghe Josefu anduangi.

KUFUMA 2:23

Nyuma ya miaka imu, uja mzuri wa Misri ukafwa, ela Waisraeli werekoghe wikisirimwa aisi ya wuzumba; wikalila wikilola wutesia. Kililo chawo chikamvikia Mlungu.

KUFUMA 2:25

Mlungu ukawiwona wandu wa Israeli, ukaghumanya wasi ghwawo.

KUFUMA 3:7

Niko BWANA ukaghamba, “Namerie kuwona seji wandu wapo wawuyakorongwa andenyi ya isanga ja Misri; nasikire kililo chawo kwa wundu ghwa wanyapara wawo. Naichi wasi ghwawo,

MCHILI 4:1

Niko ngazighana sena, ngawona kusowa hachi kose kwawuyabonyeka wurumwengunyi. Wandu wikorongwaghwa na kulila, wisewadie mndungi owitesia. Wakorongi wawo weeka na ndighi aighu yawo; wisewadie mndungi owitesia.

MCHILI 5:8

Kukawona wakiwa wikikorongwa isangenyi, na kusowelwa hachi, kuseshinike. M'baa wadazighanwa ni m'baa umu, sena oko m'baa umu aighu yake.

AMOSI 4:1

Sikirenyi agha inyo waka wa Samaria, m'bandie sa ng'ombe ra Bashani rilishwagha aighu ya mighondi ya Samaria; mkorongagha wakiwa, na kuwitirira awo wisowagha na kuwizera womi wenyu, “Redenyi chofi dinyo.”

WUKUMBUSO 26:7

Niko dikamlilia BWANA, Mlungu wa weke aba, nao ukadisikira; ukawona wasi ghodu, kulemerelwa kodu, na makorongo ghedu;

1 SAMUELI 9:16

“Kesho ngelo sa icheni ihi, nichamduma mndumu kufuma isanga ja Benjamini, na oho kuchamshinga mavuda ukaie mzuri aighu ya wandu wapo Israeli. Uchawikira wandu wapo wisekabo ni Wafilisti; kwa kukaia namerie kuwona makorongo ghawo, na kililo chawo chamerie kunivikia.”