KUFUMA 3:7 - Biblia Ilagho Jiboie Kwa Wandu Wose

⁷ Niko BWANA ukaghamba, “Namerie kuwona seji wandu wapo wawuyakorongwa andenyi ya isanga ja Misri; nasikire kililo chawo kwa wundu ghwa wanyapara wawo. Naichi wasi ghwawo,

KUFUMA 3:7 ပူးပေါင်းရင်းမြစ်များ

KUZOYA 16:11

Ola koko na kifu, na oho kuchava mwana wa womi, na irina jake kuchammbanga Ishmaeli, angu BWANA wasikira kililo chako.

KUZOYA 18:21

nichasea niwone ngera agho wawuyaghibonya ni karakara na ichi kililo chawuyanivikia, na ikakaia si huwo kungi, sena nichamanya.”

KUZOYA 21:17

Mlungu ukachisikira kililo cha mwana, na malaika wa Mlungu ukammbanga Hagari kufuma mlungunyi ukighamba, “Niki chikujishagha wasi Hagari? Kusakeobua angu Mlungu wameria kusikira kililo cha mwana andu uko.

KUZOYA 29:32

Lea ukapata kifu, ukava mwana wa womi, ukammbanga irina jake Reubeni; angu oreghambieghe, “Loli BWANA waghuzighana wasi ghwapo, idana mumi wapo uchanikunda.”

KUZOYA 31:12

Ukanizera, ‘Zighana kuwone iro fwandi ridediagha andenyi ya chagha ni ra njaria-njaria na ra vitaranga, na maboli-maboli; kwa kukaia namerie kuwona agho ghose Labani wawuyakubonyera.

KUZOYA 31:42

Ngera Mlungu wa aba, Mlungu wa Abrahamu, na Mlungu wa Isaaka umuobuagha nderekaieghe luwaru lwapo, kumangu loli kwanighalishire mikonu miduu. Mlungu wawonie wasi ghwapo na wudumiki ghwapo, niyo sababu ukacha ukakukemia ikwau.”

2 SAMUELI 22:28

Oho kwadawikira wandu wikuseragha weni, ela kwadawisera wang'eti.

2 WAZURI 13:4

Niko Jehoahazi ukamlomba BWANA, na BWANA ukamsikira; angu orewonieghe seji mzuri wa Siria orewikorongieghe Waisraeli.

2 WAZURI 20:5

“Wuya kumzere Hezekia m'baa wa wandu wapo, BWANA uo Mlungu wa ndeyo Daudi waghora huwu: Nasikira malombi ghako na kuwona mbori rako; ola nichakuboisa na ituku ja kadadu kuchajoka Hekalunyi kutasa.

NEHEMIA 9:9

“Korewonieghe seji weke aba werejieghe wasi Misri; kukasikira kililo chawo aho Bahari ya Shamu.

ZABURI 106:44

Elaima, iji weremkemieghe BWANA orewisikireghe.

ZABURI 12:6

Malaghiro gha BWANA ni gha loli, gheeka sa feza ieleshero kwa modo mando mfungade.

ZABURI 142:3

Iji nakafwa ngolo, uo wamanya seji inifwane nibonye. Wamaiza wapo waniwikia mdegho chienyi andu niidiriagha.

ZABURI 145:19

Wadawikatishira wose wimuobuagha, nao wadasikira kililo chawo, na kuwikira.

ZABURI 22:24

Kwa kukaia ndemenyere angu kuzamilwa ni makorongo gha uo ukorongagha; ndereleghieghe kumzighana, ela iji oremlilieghe, ukamsikira.

ZABURI 34:4

Neremlombieghe BWANA, ukanitumbulia; ukanikira na wowa ghwapo ghose.

ZABURI 34:6

Uo mundu mkiwa orewangieghe, BWANA ukamsikira; ukamkira na wasi ghwake ghose.

ZABURI 35:22

Oho kwawonie ee BWANA, kusenyame. Kusekaie kula nani ee BWANA.

ZABURI 9:14

eri nipate kughieresha makaso ghako, andenyi ya muzi ghwa Jerusalemu; na aho niboilo andenyi ya kukia kwako.

KUFUMA 1:11

Kwa huwo Wamisri wikawiwikia wanyapara wiwikoronge kwa kazi rikurie; Waisraeli wikamuaghia mzuri mizi ya nganya rewika viro, Pithomu na Ramesesi.

KUFUMA 1:8

Niko ukawuka mzuri mzima Misri useremmanyireghe Josefu anduangi.

KUFUMA 22:23

Mkawikoronga nao winililie, loli nichasikira kililo chawo,

KUFUMA 33:13

Idana nakulomba, ikakaia loli kuboilwagha ni ini, kuniwonyere chia rako idana, nipate kukumanya oho, na oho kuboilo ni ini. Sena kuitale mbari ihi kukaia, ni wandu wako.”

KUFUMA 5:10

Niko awo wazighaniri wa wandu na wanyapara wa wandu wa Israeli wikafuma na kuwizera Waisraeli, “Farao waghora huwu, ‘Sichaamneka nyasi ra matofali:

KUFUMA 5:6

Ituku jija jeni Farao ukawilaghira wazighaniri wa wandu na wanyapara wawo ukighamba,

ISAYA 63:9

Kwa matiriro ghawo ghose, uo moni oretiriroghe, na malaika uo orekirieghe imbiri kwake ukawikira. Kwa lukundo na wughoma ghwake orewikombueghe ukawidwa na kuwighenja matuku ghose gha kala.

MITALO 20:16

Na iji deremlilieghe BWANA, oredisikireghe, nao ukamduma malaika, ukadifunya Misri, nesi deko aha Kadeshi, muzi ghuko mpakenyi ghwa isanga jako.

MABONYO GHA WADUMI 7:34

Nawona loli seji wandu wapo wawuyakorongwa Misri, na kililo chawo nachisikira, nani nasea niwikire; idana nichakuduma Misri.’

WAEBRANIA 4:15

Angu uo Mkohani M'baa diko nao, ndedimagha kulemwa ni kuwadwa ni wughoma kwa wundu ghwa wunyonge ghodu anduangi; ela uo oretimiloghe kwa kula chia seji koni dawuyatimwa, ela nderebonyereghe kaung'a anduangi.

1 SAMUELI 9:16

“Kesho ngelo sa icheni ihi, nichamduma mndumu kufuma isanga ja Benjamini, na oho kuchamshinga mavuda ukaie mzuri aighu ya wandu wapo Israeli. Uchawikira wandu wapo wisekabo ni Wafilisti; kwa kukaia namerie kuwona makorongo ghawo, na kililo chawo chamerie kunivikia.”