KUFUMA 3:2 - Biblia Ilagho Jiboie Kwa Wandu Wose

² Malaika wa BWANA ukamfutukia andenyi ya lumu lwa modo kisachinyi. Musa ukawona kukaia kisachi cherekoghe chikiaka modo chiselunguagha!

KUFUMA 3:2 ပူးပေါင်းရင်းမြစ်များ

KUZOYA 21:17

Mlungu ukachisikira kililo cha mwana, na malaika wa Mlungu ukammbanga Hagari kufuma mlungunyi ukighamba, “Niki chikujishagha wasi Hagari? Kusakeobua angu Mlungu wameria kusikira kililo cha mwana andu uko.

KUZOYA 22:11

Ela malaika wa BWANA ukammbanga kufuma mlungunyi ukighamba, “Abrahamu! Abrahamu!” Ukadika, “Neko aha.”

KUZOYA 48:16

na malaika uo orenikirieghe nisepato ni mawiwi; uwirasimie wana awa. Irina japo na marina gha weke aba Abrahamu na Isaaka, ndeghiduo andenyi kwawo. Nawo ndewizoghuo wive na kuchurikia ndoenyi kose.”

ZABURI 66:12

Kwasighie wamaiza wedu wikadichang'acha-chang'acha; daidie aghadi ya modo na machinyi, ela sena kukadireda andu kwa banana.

KUFUMA 19:18

Mghondi ghwa Sinai ghukafinikirwa ni mosi, angu BWANA oreserieghe aighu yake andenyi ya modo; mosi ghwaro ghukajoka nokoighu sa mosi ghwa iwiwi, mghondi ghose ghukasughusika na ndighi.

KUFUMA 23:20

“Ola namduma malaika imbiri kwako, ukulindie iji kuko charonyi, na kukureda isangenyi nerekuboisireghe.

KUFUMA 24:17

Ugho wubaa ghwa BWANA ghorekoghe ghukiwoneka kwa wandu wa Israeli sa lumu lwa modo luakagha aighu mghondinyi.

KUFUMA 3:16

Ghenda kuwikwanye waghosi wa Israeli chiaimweri kuwizere, ‘Bwana Mlungu wa weke ndeyo, Mlungu wa Abrahamu, wa Isaaka na wa Jakobo wanifutukie ukighamba, “Namerie kumzighana inyo na kuwona agho mwawuyabonyerwa Misri;

ISAYA 43:2

Hata ngera kwaida aghadi ya machi mengi, ini nichakaia andwamweri na oho. Kukaida aghadi ya meda ya machi mengi, ndegichaakudwa anduangi. Kukaida aghadi ya modo, ndekuchaahia; hata lumu lwa modo lukakuleta, ndekuchaalungua anduangi.

ISAYA 63:9

Kwa matiriro ghawo ghose, uo moni oretiriroghe, na malaika uo orekirieghe imbiri kwake ukawikira. Kwa lukundo na wughoma ghwake orewikombueghe ukawidwa na kuwighenja matuku ghose gha kala.

DANIELI 3:27

Na wabaa wa isanga na wa serikali, na wanjama wa mzuri, wikakwana chiaimweri. Wikawona kukaia modo ndeghuwibonyere waja wandu ilagho jingi; hata kukaia na ndighi mimbinyi kwawo; maridia ghawo na nguwo rawo nderiwonie ilagho jingi, hata irumba ja modo ndejerekoghe kwawo anduangi.

ZEKARIA 13:7

BWANA Uwadie-Ndighi-Rose waghamba, “Wuka ee lufu kulo na mlisha uo unidumikiagha; bwagha mlisha, na ng'ondi richasaghisika. Ini nichalwa na wandu wapo;

MALAKI 3:1

BWANA Uwadie-Ndighi-Rose watumbulia, “Nichamduma mdumwa wapo, upate kuboisa chia imbiri kwapo, na uo BWANA mwawuyamsuwiria uchacha ghafla andenyi ya Hekalu yake. Uo mdumwa mwawuyamsuwiria uchacha na kueresha ilaghano japo.”

MARKO 12:26

Ela kwa malagho gha wafu seji wirukishwagha, welee, jingi ndemshomie chuonyi cha Musa andu kuandikilo malagho gha kisachi chiakagha modo? Mlungu oremzerieghe Musa ‘Ini ne Mlungu wa Abrahamu, wa Isaaka na wa Jakobo’.

LUKA 20:37

Na kwa malagho gha kuruka kwa wafu, hata Musa wawonyere kwa malagho gha chija kisachi chereakagha modo, andu ummbangagha Bwana, kukaia Mlungu wa Abrahamu, Mlungu wa Isaaka, na Mlungu wa Jakobo.

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

WAROMA 8:3

Angu agho ghiseredimikieghe kwa Sharia, kwa kukaia erekoghe isewadie ndighi kwa wundu ghwa mumbi, Mlungu kwa kumduma Mwana wake moni uko na fwana ya mumbi ghwa kaung'a, ukaie kizongona kwa wundu ghwa kaung'a, waitanyire kaung'a mumbinyi.

WUKUMBUSO 33:16

Isanga jawo ndejichulo ni agho ghose ghiboie, irasimilo ni wucha ghwa BWANA, uo orededieghe andenyi ya kisachi chiakagha modo. Marasimio agha ghose ndeghikaie aighu ya mbari ya Josefu, kwa kukaia orekoghe kilongozi aghadi ya waruna.

WUKUMBUSO 4:20

Ela BWANA wammbwadie inyo, ukamfunya Misri modonyi ghwa iwiwi ja chuma; ukamfunya mpate kukaia wandu wake moni seji iko idime.

2 WATHESALONIKE 1:7

na kumneka kuhora chiaimweri nesi, inyo mwawuyakorongwa; iji Bwana Jesu wafunukulwa kufuma mlungunyi andwamweri na weke malaika wake wiwadie ndighi, andenyi ya modo ghuakagha.

WATANYI 13:13

Malaika wa BWANA ukamzera Manoa, “Agho ghose nimlaghirie mkako, ughilindie.